உங்க வீட்ல அடிக்கடி உடம்பு சரியில்லாம போகுதா? கண்ணுக்குத் தெரியாமல் ஆரோக்கியத்தைக் கெடுக்கும் 5 வீட்டுப் பிழைகள்!
செய்தி முன்னோட்டம்
நம் வீடுகளில் இருக்கும் சூழல் நமது ஆரோக்கியத்தில் பெரிய தாக்கத்தை ஏற்படுத்தலாம். பல சமயங்களில், நமது வீடு சுத்தமாகவும் ஆரோக்கியமாகவும் இருப்பதாக நாம் நினைப்போம். ஆனால், சில விஷயங்கள் நம் கண்ணுக்குத் தெரியாமலேயே நமது ஆரோக்கியத்தைப் பாதிக்கலாம். இந்த கட்டுரையில், உங்கள் வீட்டில் உள்ள சூழல் எப்படி உங்கள் ஆரோக்கியத்தைப் பாதிக்கலாம் என்பதற்கான சில காரணங்களைப் பார்ப்போம். இவற்றைப் பற்றித் தெரிந்துகொண்டு உங்கள் வீட்டை இன்னும் சிறப்பாகவும், ஆரோக்கியமாகவும் வைத்துக்கொள்ளலாம்.
#1
தூசி மற்றும் அழுக்கு சேர்தல்
தூசி மற்றும் அழுக்கு சேர்தல் என்பது நம் வீடுகளில் ஒரு பொதுவான பிரச்சனைதான். குறிப்பாக வெளியில் காற்று மாசுபாடு அதிகமாக இருக்கும்போது இது இன்னும் அதிகமாகும். இது நம் நுரையீரலுக்கு மட்டும் தீங்கு விளைவிப்பதில்லை, சிலருக்கு அலர்ஜி மற்றும் மூச்சுத் திணறல் போன்ற பிரச்சனைகளையும் கொடுக்கலாம். இதைக் குறைக்க, அடிக்கடி வீட்டைச் சுத்தம் செய்ய வேண்டும், வேக்கயூம் கிளீனர் பயன்படுத்த வேண்டும், அத்துடன் காற்று சுத்திகரிப்பு கருவிகளையும் வைத்துக்கொள்ளலாம். அதுமட்டும் இல்லாமல், ஜன்னல் கதவுகளைத் திறந்து வைத்து புதிய காற்று உள்ளே வர அனுமதிக்க வேண்டும். அப்போதான் வீட்டில் சுத்தமான, ஆரோக்கியமான சூழல் இருக்கும்.
#2
காற்றோட்டம் சரியில்லாமல் இருப்பது
சரியான காற்றோட்டம் இல்லாததும் வீட்டின் சூழலைப் பாதிக்கலாம். உங்கள் வீட்டில் காற்று சரியாகப் புழங்கவில்லை என்றால், அது நம் உடலுக்குத் தேவையான ஆக்சிஜன் குறைபாட்டை ஏற்படுத்தலாம். அதுமட்டும் இல்லாமல், ஈரப்பதமும் அதிகமாகி, பூஞ்சை மற்றும் காளான் போன்றவை வளர வாய்ப்பு உள்ளது. இந்த சிக்கலைத் தீர்க்க, ஜன்னல்கள் மற்றும் கதவுகளை அடிக்கடி திறந்து வைத்து, புதிய காற்று உள்ளே வர வழி செய்ய வேண்டும்.
#3
வேதிப்பொருட்களின் பயன்பாடு
பெரும்பாலானோர் சுத்தம் செய்ய சில கெமிக்கல் உள்ள பொருட்களைப் பயன்படுத்துகிறார்கள். இது காற்றில் உள்ள துகள்களின் அளவை அதிகரித்து, மூச்சு விட சிரமத்தை ஏற்படுத்தும். சிலருக்கு அலர்ஜியையும் உண்டாக்கும். இது நீண்ட காலத்துக்கு நம் ஆரோக்கியத்தில் பெரிய பாதிப்ப ஏற்படுத்தும். இந்த சிக்கலைத் தீர்க்க, இயற்கை சுத்தம் செய்யும் பொருட்களைப் பயன்படுத்தலாம். முடிந்த அளவுக்கு வேதியியல் பொருட்களின் பயன்பாட்டைக் குறைத்தால் தான் உங்கள் வீடு ஆரோக்கியமாக இருக்கும்.
#4
செடி கொடிகள் இல்லாமலிருப்பது
செடி கொடிகள் நம் வீட்டின் சூழலுக்கு புத்துணர்ச்சி அளித்து, காற்றைச் சுத்தப்படுத்தும். உங்கள் வீட்டில் போதிய செடிகள் இல்லை என்றால், காற்றில் ஆக்சிஜன் குறைந்துவிடும். அதுமட்டும் இல்லாமல், செடி கொடிகள் மன அழுத்தத்தைக் குறைத்து, நமக்கு ஒரு நல்ல உணர்வைக் கொடுக்கும். அதனால்தான், உங்கள் வீடு ஆரோக்கியமாக இருக்கவும், நீங்களும் புத்துணர்ச்சியோடு இருக்கவும், வீட்டில் சில செடிகளை அவசியம் வளர்க்க வேண்டும்.
#5
புகைபிடித்தல்
யாராவது வீட்டில் புகைபிடித்தால், மொத்த வீட்டில் இருக்கும் காற்றும் கெட்டுப்போய்விடும். இது மூச்சுப் பிரச்சனையை மட்டும் ஏற்படுத்துவதில்லை, மற்றவர்களுக்கும், குறிப்பாக குழந்தைகளுக்கும் மற்றும் வயதானவர்களுக்கும் பாதிப்பை உண்டாக்கும். இந்த சிக்கலைத் தீர்க்க, வீட்டுக்குள் புகைபிடிக்கவே கூடாது. வெளியே சென்று புகைபிடித்தால் தான் உங்கள் வீட்டின் சூழல் சுத்தமாக இருக்கும், ஆரோக்கியமாகவும் இருக்கும்.