அரசு சேமிப்புத் திட்டங்களில் புதிய மாற்றங்களை அமல்படுத்திய பொருளாதார விவகாரத்துறை
செய்தி முன்னோட்டம்
இந்திய குடிமக்களுக்கு மத்திய அரசு வழங்கி வரும் பொது வருங்கால வைப்பு நிதி (PPF) மற்றும் முதியோர் சேமிப்புத் திட்டம் (SCSS) உள்ளிட்ட சேமிப்புத் திட்டங்களின் விதிமுறைகளில் சில பயனாளர்களுக்கு ஏற்ற வகையில் சில மாற்றங்கள் கொண்டு வரப்பட்டிருக்கின்றன.
இந்த சேமிப்புத் திட்டங்களில் முதலீட்டாளர்களுக்கு கூடுதல் வசதிகளை அளிக்கும் வகையிலான மாற்றங்களையே கொண்டு வந்திருப்பதாக, புதிய மாற்றங்கள் குறித்து தெரிவித்திருக்கிறது மத்திய நிதியமைச்சகத்தின் கீழ் செயல்பட்டு வரும் பொருளாதார விவகாரத் துறை.
சரி, மேற்கூறிய சேமிப்புத் திட்டங்களின் விதிமுறைகளில் என்னென்ன வகையிலான புதிய மாற்றங்கள் கொண்டு வரப்பட்டிருக்கின்றன? பார்க்கலாம்.
சேமிப்புத் திட்டம்
முதிர்வு காலத்திற்கு முன்பே PPF கணக்கை முடித்துக் கொள்வது:
பொது வருங்கால வைப்பு நிதித் திட்டத்தின் கீழ் முதலீடு செய்யப்படும் பணத்தை முதிர்வடையும் காலத்திற்கு முன்பே பெற புதிய வதிமுறை மாற்றங்கள் கொண்டு வரப்பட்டிருக்கின்றன.
அதன்படி, முதலீடு செய்த நபர் அல்லது அவரது நெருங்கிய உறவினரின் உடல்நலன், மேற்படிப்பிற்கான செலவுகள் மற்றும் வேறு நாட்டுக்கு குடிபெயர்தல் உள்ளிட்ட காரணங்களை முன்னிட்டு பொது வருங்கால வைப்பு நிதி திட்டத்தில் முதலீடு செய்யும் பணத்தை முதிர்வு காலத்திற்கு முன்பே பெற்றுக் கொள்ளலாம்.
ஆனால் இதற்கு, மேற்கூறிய காரணங்களுக்கான ஆதாரங்களைச் சமர்ப்பிக்க வேண்டும் என்பதோடு, முதிர்வு காலத்திற்கு முன்பே கணக்கை முடித்துக் கொள்வதற்கான அபராத விதிமுறைகளில் எந்தவித மாற்றங்களும் மேற்கொள்ளப்படவில்லை என்பது குறிப்பிடத்தக்கது.
இந்தியா
குறிப்பிட்ட கால வைப்பு நிதியின் வட்டி விகித விதிமுறையில் மாற்றம்:
மூன்று வருடம், ஐந்து வருடம் என குறிப்பிட்ட அளவு காலத்திற்கு முதலீடு செய்யப்படும் கால வைப்பு நிதியில், முதிர்வடையும் காலத்திற்கு முன்பே பணத்தைப் பெற வேண்டுமானால், அதற்கு குறைந்த கால வைப்பு நிதியில் கொடுக்கப்படும் வட்டி வகிதத்துடனேயே கொடுக்கப்பட்டு வந்தது.
ஆனால், இனி அஞ்சலக சேமிப்பு கணக்கிற்கு வழங்கப்படும் வட்டி வகிதிம் வழங்கப்படும் எனத் தெரிவிக்கப்பட்டுள்ளது.
முதியோர் சேமிப்புத் திட்டத்தில் சேர ஓய்வூதியப் பலன்களைப் பெற்றதிலிருந்து ஒரு மாத காலத்திற்குள் சேர வேண்டும் என்ற கால அளவு தற்போது மூன்று மாத காலமாக உயர்த்தப்பட்டிருக்கிறது. இது முதியோர் புதிய சேமிப்புக் கணக்கு தொடங்குவதை எளிமையாக்குவதற்காக செய்யப்பட்ட மாற்றமாகும்.