மழைக்காலத்தில் மூச்சு விடுவதில் சிரமமா? சுவாசப் பிரச்சனைகளைத் தடுக்கும் 5 அத்தியாவசிய வழிகள்!
செய்தி முன்னோட்டம்
மழைக்காலம் பல நோய்களுக்கு வழி வகுக்கும், அதிலும் குறிப்பாக சுவாசப் பிரச்சனைகள் வந்தால் கவனம் தேவை. இந்த சீசனில் ஈரப்பதம் அதிகமாக இருப்பதால், கிருமித்தொற்று (இன்ஃபெக்ஷன்) பரவும் வாய்ப்பு அதிகம். இதனால் இருமல், சளி, தொண்டை வலி, ஆஸ்துமா போன்ற பிரச்சனைகள் வரலாம். மூச்சு சம்பந்தப்பட்ட பிரச்சனைகளில் இருந்து பாதுகாப்பாக இருக்க உதவும் சில ஆலோசனைகளை இங்கே பார்ப்போம்.
#1
கிருமித்தொற்று வராமல் தடுக்க கவனிக்க வேண்டியவை
பாக்டீரியா மற்றும் வைரஸ் கிருமிகள் நம்மை அண்டாமல் இருக்க, கைகளை அடிக்கடி சோப்பு மற்றும் தண்ணீர் கொண்டு கழுவ வேண்டும். இல்லையென்றால், ஆல்கஹால் கலந்த ஹேண்ட் சானிடைசரைப் பயன்படுத்தலாம். மேலும், உங்களைச் சுற்றியுள்ள இடங்களையும் சுத்தமாக வைத்துக்கொள்ளுங்கள். கிருமித்தொற்று உள்ளவர்கள் அருகில் செல்வதைத் தவிர்க்க வேண்டும். அத்துடன், வீட்டின் ஜன்னல்களைத் திறந்து வைத்து, சுத்தமான காற்று உள்ளே வர வழிவிடுங்கள்.
#2
புகைபிடிப்பதைத் தவிருங்கள்
புகைபிடிப்பதால், நுரையீரல்களைத் தானாகவே சுத்தம் செய்யும் இயற்கை முறை தடைபடுகிறது. இதனால் நுரையீரல்களில் வீக்கம் ஏற்பட்டு, மூச்சு விடுவதில் சிரமம் வரலாம். புகைபிடித்தால் நுரையீரல்களில் தண்ணீர் கோர்த்து, அவை வீங்கிவிடும். இதனால் கிருமித்தொற்றுக்கு நுரையீரல்கள் எளிதில் பாதிக்கப்படும். இதுமட்டுமல்லாமல், புகைபிடித்தல் புற்றுநோய் வருவதற்கான ஆபத்தையும் அதிகரிக்கிறது.
#3
ஈரப்பதமான சூழலைத் தவிருங்கள்
நீங்கள் அதிக ஈரப்பதம் உள்ள சூழலில் வசிப்பவராக இருந்தால், உங்களுக்கு சுவாசப் பிரச்சனைகள் வருவதற்கான வாய்ப்புகள் அதிகம். ஈரப்பதமான சூழ்நிலைகளில் பாக்டீரியா மற்றும் வைரஸ் கிருமிகள் அதிகமாகப் பெருகும். இவை கிருமித்தொற்றுக்குக் காரணமாகலாம். அதனால், உங்கள் வீட்டின் ஈரப்பதம் (ஹியூமிடிட்டி) அளவை 30 முதல் 50 சதவிகிதத்துக்குள் வைத்துக்கொள்ளுங்கள். இது பாக்டீரியா மற்றும் வைரஸ் பரவுவதைக் கட்டுப்படுத்த உதவும்.
#4
சரியான உடற்பயிற்சிகளை மேற்கொள்ளுங்கள்
சுவாசப் பிரச்சனைகளில் இருந்து பாதுகாப்பாக இருக்க தினமும் சரியான உடற்பயிற்சிகளைச் செய்ய வேண்டும். தொடர்ந்து உடற்பயிற்சி செய்வதால் உடலில் ஆக்ஸிஜன் ஓட்டம் சீராக இருக்கும். இதனால் நுரையீரல்களில் ஆக்ஸிஜன் அளவு சரியாகப் பராமரிக்கப்படும். அத்துடன், தினமும் உடற்பயிற்சி செய்வது நுரையீரல்களின் செயல்பாட்டுத் திறனையும் அதிகரிக்கும். சுவாசப் பிரச்சனைகளைத் தவிர்க்க, ஓட்டம் மற்றும் யோகா போன்ற பயிற்சிகளை உங்கள் தினசரி அட்டவணையில் சேர்த்துக்கொள்ளலாம்.
#5
உணவு விஷயத்தில் கவனம் செலுத்துங்கள்
உணவுப் பழக்கம் நுரையீரல்களின் ஆரோக்கியத்தில் நேரடித் தாக்கம் செலுத்துகிறது. எனவே, ஊட்டச்சத்து நிறைந்த உணவுகளை உங்கள் டயட்டில் சேர்த்துக்கொள்ளுங்கள். குறிப்பாக, புதிய பழங்கள் மற்றும் காய்கறிகளை உங்கள் உணவில் சேர்த்துக்கொள்ளுங்கள். இவை நுரையீரல்களைச் சுத்தப்படுத்த உதவும். அதே நேரத்தில், தரமான உணவுகளை மட்டுமே சாப்பிடுங்கள். வறுத்த மற்றும் எண்ணெய் நிறைந்த உணவுகளைத் தவிர்ப்பது நல்லது. மேலும், உடலை நீர்ச்சத்துடன் வைத்திருக்க, நாள் முழுவதும் போதுமான அளவு தண்ணீர் குடிக்க வேண்டும்.