ஆரோக்கியமாகவும், ருசியாகவும் நீங்கள் விரும்பி சாப்பிட சில சாலட் வகைகள்
செய்தி முன்னோட்டம்
சாலடுகள் என்பது எப்போதாவது சாப்பிடும் என்னவென்பது மாறி, தற்போது, தினசரி சாப்பாட்டில் ஒரு அங்கமாக மாறியுள்ளது. ஆரோக்கியத்தின் முக்கியத்துவத்தை அறிந்தவர்கள் பலரும், அன்றாடம் ஏதேனும் ஒரு வகை சாலட்டை தயார் செய்து உண்பதை பார்த்திருப்பீர்கள். அதை சிறுவர்களும் தினசரி உண்ணலாம். பச்சை காய்கறிகளும், பழங்களும் அடங்கிய இந்த உணவு, அதன் வசீகரிக்கும் வண்ணங்கள், ருசி மற்றும் நறுமணங்கள் ஆகியவற்றோடு சேர்ந்து, ஊட்டச்சத்து நிறைந்த உணவாகும் இந்த சாலட். உங்கள் பசியைத் தணிக்கும், உடலுக்கு ஊட்டமளிக்கும் ருசியான ஐந்து சாலட் வகைகளை இங்கே பார்க்கலாம்.
card 2
சீசர் சாலட்
சீசர் சாலட் என்பது, ஃப்ரெஷான ரோமெய்ன் லெட்டூஸ் இலைகளை, பார்மேசன் சீஸ் மற்றும் மொறுமொறுப்பான க்ரூட்டன்களுடன் சேர்த்து செய்யப்படுவது. இந்த சாலட்டின் முக்கிய மூலப்பொருள் ரோமெய்ன் லெட்டூஸ் என்றாலும், நீங்கள் பிரஸ்ஸல்ஸ் முளைகள், முட்டைக்கோஸ், தக்காளி, டோஃபு மற்றும் கொண்டைக்கடலை போன்ற புரத உணவுகளையும் சேர்க்கலாம். இந்த சாலட், இத்தாலிய உணவகமான சீசர் கார்டினி என்னுமிடத்தில் 1920 களில் அறிமுகம் செய்யப்பட்டதனாலேயே, இதற்கு இப்பெயர் வந்துள்ளது. கிரீமி, புளிப்பு மற்றும் மொறுமொறுப்பு என பலவித ருசிகள் இதில் அடங்கியுள்ளதால், உலகெங்கிலும் பல உணவகங்களில் இந்த சாலட் இடப்பெற்றிருக்கும்.
card 3
கிரீக் சாலட் மற்றும் பாஸ்தா சாலட்
கிரீக் சாலட்: ஆலிவ்கள், ஃபெட்டா சீஸ், குடைமிளகாய், வெள்ளரிகள், தக்காளி மற்றும் வெங்காயத்தின் கலவையான இந்த கிரீக் சாலட், மெடிட்டரேனியன் உணவு வகையை சேர்ந்தது. ஆலிவ் எண்ணெய், ஆர்கனோ மற்றும் எலுமிச்சை சாறு பிழிந்த இந்த சாலட், கோடை வெயிலிற்கு ஏற்ற புத்துணர்ச்சியூட்டும் சுவை கொண்டது. இதனுடன் லெட்டூஸ் சேர்த்தோ, சேர்க்காமலோ பரிமாறலாம். பாஸ்தா சாலட்: பாஸ்தா சாலடுகள் பெரும்பாலும் கார்க்ஸ்ரூ, எல்போ மற்றும் போ-டை பாஸ்தா போன்றவற்றை பயன்படுத்தி தயாரிக்கப்படுகிறது. பாஸ்தாவுடன் வினிகிரெட் கலந்து பரிமாறப்படும். அதனுடன், தக்காளி, குடைமிளகாய், பேபி கார்ன் மற்றும் பிற காய்கறிகளுடன் ஃபெட்டா போன்ற சீஸ் துண்டுகளும் கலந்து பரிமாறப்படும்
card 4
கோல்ஸ்லாவ்
பெரிய துண்டுகளாக வெட்டப்பட்ட பச்சை முட்டைக்கோஸ், மயோனைஸ், வினிகர், சர்க்கரை, உப்பு மற்றும் மிளகு ஆகியவை கலந்து செய்வதுதான் இந்த சாலட் முட்டைகோஸை தவிர மற்ற பொருட்களை உங்கள் தேவைக்கேற்ப மாற்றிக்கொள்ளலாம். காரணம் இந்த சாலட்டின் முக்கிய பொருளே முட்டைகோஸ் தான். ஒரு சிலர், வண்ணமயமாக்க, சிவப்பு முட்டைக்கோஸ் அல்லது கேரட் சேர்ப்பதுண்டு. இந்த கோல்ஸ்லாவ் சாலட், பர்கர்கள் அல்லது சைனீஸ் உணவுகளுடன் பொருந்தி போகும்.
card 5
பழ சாலட்
பழ சாலடுகள் பல்வேறு பழங்களின் இயற்கை இனிப்பு மற்றும் சுவைகளை இணைத்து உருவாக்கப்பட்டது. பெர்ரி, முலாம்பழம், சிட்ரஸ் மற்றும் பிற பருவகால பழங்களை சேர்த்து தயாரிக்கப்படும் இந்த சாலட், உங்களை புத்துணர்ச்சியூட்டும், அதோடு வயிற்றை குளிர்விக்கும். இந்த சாலட் உடன் தேன், சில புதினா இலைகள் அல்லது ஒரு சிறிய இலவங்கப்பட்டை ஆகியவற்றைச் சேர்ப்பதன் மூலம் ஒரு சுவையை மெருகேற்றலாம். மற்ற சாலடுகளை போல அல்லாமல், இந்த சாலட்டை டெஸெர்ட் வகையாகவும் உண்ணலாம்.