விழுப்புரம் கள்ளச்சாராய விவகாரம் - 12 பேர் மீது கொலை வழக்குப்பதிவு செய்த சிபிசிஐடி
விழுப்புரம் மாவட்டம் மரக்காணம், செங்கல்பட்டு உள்ளிட்ட பகுதிகளில் கள்ளச்சாராயம் அருந்தி உயிரிழந்தோர் எண்ணிக்கை 14 என்று தகவல்கள் தெரிவிக்கிறது. தமிழக முதல்வர் மு.க.ஸ்டாலின் இதுகுறித்து பல நடவடிக்கைகளை மேற்கொண்டுள்ளார். மேலும் இந்த வழக்கின் விசாரணையினை சிபிசிஐடி விசாரிக்க உத்தரவிட்டிருந்தார். அதன்படி தற்போது சிபிசிஐடி போலீசார் இந்த கள்ளச்சாராய வழக்கில் சம்பந்தப்பட்ட 12 பேர்மீது கொலை வழக்கினை பதிவுச்செய்துள்ளார்கள். அவ்வாறு வழக்குப்பதிவு செய்யப்பட்ட 12 பேரில் 11 பேர் ஏற்கனவே கைது செய்யப்பட்டு சிறையிலுள்ள நிலையில், மதன் என்பவர் மட்டும் இன்னமும் கைது செய்யப்படாமல் உள்ளார் என்றும் சிபிசிஐடி தெரிவித்துள்ளது. அவரை விரைவில் கைது செய்வோம் என்று தெரிவித்துள்ள சிபிசிஐடி போலீசார், நாளை(மே.,23) முதல் குழுக்களாக பிரிந்து விசாரணையினை தீவிரப்படுத்தவுள்ளோம் என்றும் கூறியுள்ளார்கள்.
