ஆந்திராவில் கள்ளக்காதலுக்கு எதிர்ப்பு தெரிவித்த தந்தையின் தலையை அடித்து உடைத்த மகன்
செய்தி முன்னோட்டம்
ஆந்திரா சித்தூர் பகுதியை சேர்ந்தவர் டெல்லிபாபு, செக்யூரிட்டியாக பணியாற்றி வருகிறார்.
அவரது மகன் பாரத்(21), மூட்டை தூக்கும் கூலி தொழிலாளியாக இருக்கிறார்.
இவருக்கும் அதே பகுதியில் உள்ள 39 வயது பெண்ணுக்கும் இடையே கள்ளக்காதல் ஏற்பட்டதாக கூறப்படுகிறது.
இதனையடுத்து பாரத் ஒழுங்காக வேலைக்கு செல்லாமல் அவ்வப்போது அந்த பெண்ணின் வீட்டிற்கு சென்று வந்துள்ளார்.
இதனையறிந்த தந்தை டெல்லிபாபு தன் மகனை கண்டித்தும் அவர் கேட்கவில்லை என்று கூறப்படுகிறது.
இதனால் ஆத்திரமடைந்த டெல்லிபாபு தனது மகன் பாரத் மீது சித்தூர் டவுன் காவல்துறையில் புகார் அளித்துள்ளார்.
அந்த புகாரின் பேரில் பாரத்தை போலீசார் கைது செய்து அழைத்து சென்று கள்ளகாதலியுடனான கள்ளத்தொடர்பை கைவிடுமாறு கவுன்சிலிங் கொடுத்து வீட்டுக்கு அனுப்பி வைத்துள்ளார்கள்.
போலீசில் புகார்
கள்ளக்காதலியை வீடியோ காலில் வைத்துக்கொண்டு தந்தையை அடித்துஉதைத்த மகன்
இதனால் தந்தை மீது மிகுந்த கோவத்தில் இருந்த பாரத் தனது கள்ளக்காதலிக்கு வீடியோகால் செய்து தன்னன போலீசில் பிடித்துகொடுத்த தனது தந்தையை அடிக்க போவதாகவும்,
வீடியோ காலிலேயே இருக்குமாறும் கூறிவிட்டு சென்றுள்ளார்.
அவர் தனது தந்தை அடித்துஉதைத்து இழுத்துவந்து அங்கிருந்த கம்பத்தில் கட்டிவைத்து தொடர்ந்து அடித்துள்ளார்.
பின்னர் அருகிலிருந்த கட்டையை எடுத்து அவரது தலையில் ஓங்கி அடித்துள்ளார்.
இதில் டெல்லிபாபுவின் மண்டை உடைந்து ரத்தம் வழியத்துவங்கியது.
வலியால் துடித்த அவரது குரலைக்கேட்டு அக்கம்பக்கத்தினர் அங்குவந்து, அவரை மீட்டு மருத்துவமனையில் சேர்த்துள்ளார்கள்.
இது குறித்து டெல்லிபாபு தனது மகன் மீது சித்தூர் போலீசில் புகார் அளித்ததாக கூறப்படுகிறது.
அதனை தொடர்ந்து, பாரத்தை போலீசார் தற்போது கைது செய்து விசாரணை நடத்தி வருகிறார்கள் என்பது குறிப்பிடத்தக்கது.