மும்பை-டெல்லி விரைவு சாலையின் ஒரு பகுதியை திறந்து வைத்தார் பிரதமர் மோடி
செய்தி முன்னோட்டம்
இந்தியாவின் மிகபெரிய விரைவு சாலையான மும்பை-டெல்லி இடையிலேயான சாலையின் ஓர் பகுதியின் திறப்பு விழா நேற்று(பிப்.,12) துவங்கி வைத்தார்.
இந்த சாலையின் கட்டுமான பணிகள் முழுவதுமாக நிறைவுபெறும் பட்சத்தில், பயண நேரமானது ஓர்பகுதியாக குறையும் என்பது இந்த திட்டத்தின் மிகபெரிய அம்சமாகும்.
இதன்படி, முன்னதாக 245கி.மீ. தூரம் கொண்ட டெல்லி-ஜெய்ப்பூர் இடையே 5 மணிநேரமாக இருக்கும் நிலையில், தற்போது இது 3மணி நேரமாக குறைந்துள்ளது.
இந்த டெல்லி-ஜெய்பூர் விரைவு சாலை என்பது மத்திய அரசின் 1380கி.மீ.,தூரம் கொண்ட டெல்லி-மும்பை விரைவு சாலையின் ஓர் பகுதி என்பது குறிப்பிடவேண்டியவை.
இந்த டெல்லி-தெளசா-லால்சோட் சாலையை துவக்கி வைத்த பிரதமர் மோடி, இதுபோன்ற சாலை திட்டங்கள் நாட்டின் முன்னேற்றத்திற்கு பெரும் தூண்களாக விளங்குபவை என்று நிகழ்ச்சியில் பேசியுள்ளார்.
ரூ.12,150 கோடி நிதி ஒதுக்கீடு
டெல்லி-மும்பை சாலை வழி பயண நேரம் பாதியாக குறையும்
இதனை தொடர்ந்து பேசிய அவர், கடந்த 9 ஆண்டுகளாக உள்கட்டமைப்பு துறையில் மத்திய அரசு தொடர்ந்து பெரிய அளவில் முதலீடுகளை செய்து வருகிறது.
இந்த டெல்லி-மும்பை விரைவு சாலை மற்றும் மேற்கு ரயில்வேயின் பிரத்யேக சரக்கு வழித்தடம் முதலியன ராஜஸ்தான் மற்றும் இந்திய நாட்டின் முன்னேற்றத்திற்கு வலுவான இரு தூண்களாக விளங்கக்கூடியது என்று தெரிவித்தார்.
இந்த சாலைக்காக ரூ.12,150 கோடி நிதி ஒதுக்கப்பட்டுள்ள நிலையில், டெல்லி-மும்பை சாலை வழி பயண நேரம் பாதியாக குறையும்.
தற்போது 24 மணிநேரம் வரை இந்த பயணத்திற்கான நேரம் ஆகும் நிலையில், இந்த சாலை அமைத்தபின்னர் 12 மணி நேரமாக குறையும் என்று கூறப்படுகிறது.