சிறந்த இதழியலாளருக்கான கலைஞர் எழுதுகோல் விருதுக்கு விண்ணப்பிக்கலாம்
செய்தி முன்னோட்டம்
தமிழகத்தில் கலைஞர் கருணாநிதியின் பிறந்தநாள் அன்று சிறந்த இதழியலாளருக்கு கொடுக்கப்படும் கலைஞர் எழுதுகோல் விருதுக்கு விண்ணப்பிக்கலாம் என்று தமிழக அரசு ஓர் அறிக்கையினை வெளியிட்டுள்ளது.
அந்த அறிக்கையில், ஒவ்வொரு ஆண்டும் கலைஞரின் பிறந்த நாளான ஜூன் 3ம் தேதி ஒரு சிறந்த இதழியலாளருக்கு 'கலைஞர் எழுதுகோல் விருது' என்பதை வழங்கி கவுரவிக்கப்படும் என ஆணை பிறப்பிக்கப்பட்டுள்ளது.
அதன்படி தற்போது 2022ம் ஆண்டின் விருதிற்கான விண்ணப்பங்கள் வரவேற்கப்படுகிறது.
இந்தவிருதில் ரூ.5 லட்சமும், பாராட்டு சான்றிதழும் அடங்கும் என்று கூறப்பட்டுள்ளது.
தொடர்ந்து இந்த விருதிற்கான தகுதிகள் குறித்தும் அறிக்கையில் கூறப்பட்டுள்ளது.
இந்த விருதிற்கு விண்ணப்பிப்பவர் தமிழ்நாட்டை சேர்ந்தவராக இருக்க வேண்டும். தமிழ் இதழியல் துறையில் குறைந்தபட்சம் 10 ஆண்டுகள் தொடர்ந்த பணிபுரிந்திருக்க வேண்டும் என்று கூறப்பட்டுள்ளது.
விரிவான விவரங்கள் தேவை
விண்ணப்பதாரர்கள் பத்திரிகை தொழிலினையே முழுநேர பணியாக செய்திருக்க வேண்டும்
மேலும் இதழியல் துறையில் சமூக மேம்பாடு, விளிம்புநிலை மக்களின் மேம்பாடு, பெண்கள் முன்னேற்றம் ஆகியவைகளுக்காகவும் பங்காற்றியிருக்க வேண்டும்.
இவர்களுடைய எழுத்து வரிகள் மக்கள் மத்தியில் நல்ல தாக்கத்தினை ஏற்படுத்தியிருக்க வேண்டும்.
இந்த விண்ணப்பதாரர்கள் பத்திரிகை தொழிலினையே முழுநேர பணியாக செய்திருக்க வேண்டும் என்று குறிப்பிடப்பட்டுள்ளது.
தொடர்ந்து, விருதிற்கான விண்ணப்பதாரர் மற்றொருவர் பரிந்துரையின் அடிப்படையிலோ, அவர்கள் பணிபுரியும் நிறுவனத்தின் பெயரிலோ, நேரடியாகவோ விண்ணப்பங்களை அனுப்பலாம்.
இதற்காக தேர்வு குழு ஒன்றினை அரசு நியமித்துள்ளது. அந்த குழு எடுக்கும் முடிவே இறுதியானது என்று தெரிவிக்கப்பட்டுள்ளது.
இத்தகைய தகுதியுடையோர் விரிவான தனது விவரங்கள், அதற்கான ஆவணங்களுடன் இயக்குனர், செய்தி மக்கள் தொடர்பு துறை, சென்னை-600 009 என்னும் முகவரிக்கு அனுப்பி வைக்கலாம் என்றும் கூறப்பட்டுள்ளது குறிப்பிடத்தக்கது.