தேசிய மருத்துவர் தின கொண்டாட்டம் - தமிழக முதல்வர் வாழ்த்து
செய்தி முன்னோட்டம்
சுதந்திர போராட்ட வீரரும் மேதையுயான டாக்டர் பிதான் சந்திர ராயின் பிறந்தநாள் ஜூலை.,1ம் தேதி கொண்டப்படுகிறது.
மேற்கு வங்காள மாநிலத்தின் 2ம் முதல்வராக பதவிவகித்த இவர் தனது 80வது வயதில் மரணமடைந்தார்.
இவரது பிறந்தநாளினை தான் நாம் ஒவ்வொரு ஆண்டும் தேசிய மருத்துவர்கள் தினமாக கொண்டாடி வருகிறோம்.
அதன்படி இந்தாண்டும் நாடு முழுவதும் தேசிய மருத்துவர்கள் தினம் கொண்டாடப்பட்டு வருகிறது.
இந்நிலையில், தமிழக முதல்வர் மு.க.ஸ்டாலின் இதற்கான தனது வாழ்த்துக்களை பதிவு செய்துள்ளார்.
இதுகுறித்து அவர் தனது ட்விட்டர் பக்கத்தில்,"தன்னலம் கருதாமல் உலகத்திலுள்ள உயிர்களின் உடல்நலனும், உள்ளநலனையும் காக்கும் மருத்துவர்கள் அனைவருக்கும் எனது மருத்துவர்கள் தின வாழ்த்துக்கள். மருத்துவர்கள் நலனுக்கு தேவையான அனைத்தையும் திமுக அரசு நிச்சயம் செய்துத்தரும்" என்று தெரிவித்துள்ளார்.
மருத்துவர் தினம்
மருத்துவ முகாமில் இலவச மருத்துவ பரிசோதனைகள் மேற்கொள்ளல்
இதனை தொடர்ந்து, மருத்துவர்கள் தினத்தினை முன்னிட்டு, நீலகிரி மாவட்டம் கோத்தகிரி அருகேயுள்ள கன்னேரிமுக்கு என்னும் கிராமத்தில் மருத்துவம் மற்றும் மக்கள் நல்வாழ்வுத்துறை சார்பில் மருத்துவ முகாம் ஒன்று ஏற்பாடு செய்யப்பட்டுள்ளது.
இந்த முகாமினை சுகாதாரத்துறை இணை இயக்குனரின் நேர்முக உதவியாளரான மகேந்திரன் மற்றும் மருத்துவ அலுவலர் ராஜேஷ் ஆகியோர் இணைந்து துவக்கி வைத்துள்ளனர் என்று கூறப்படுகிறது.
இந்த மருத்துவ முகாமில் பொதுமக்களுக்கு ரத்தம், சிறுநீர் பரிசோதனைகள், கர்ப்பப்பை வாய் புற்றுநோய், சித்த மருத்துவம், இசிஜி ஸ்கேன், கண் பரிசோதனை உள்ளிட்ட பல பரிசோதனைகள் மேற்கொள்ளப்பட்டது.
நோயாளிகளுக்கு மருந்து மாத்திரைகள் என அனைத்தும் இலவசமாக அளிக்கப்பட்ட நிலையில், ஏராளமான மக்கள் இந்த முகாமினை பயன்படுத்தி கொண்டது குறிப்பிடத்தக்கது.