வெற்றி மாறன் இயக்கத்தில் சூரி நடிக்கும் 'விடுதலை' படத்தின் மேக்கிங் வீடியோ
'அசுரன்' படத்திற்கு பிறகு நடிகர் சூரியை வைத்து வெற்றிமாறன் 'விடுதலை' என்னும் படத்தினை இயக்கி வருகிறார். ஜெயமோகனின் 'துணைவன்' என்னும் சிறுகதையினை அடிப்படையாக கொண்டு இப்படம் உருவாக்கப்பட்டு வருகிறது. இக்கதை மக்கள் அனைவருக்கும் முழுமையாக சென்றடைய வேண்டும் என்பதால் வெற்றிமாறன் இப்படத்தினை இரண்டு பாகமாக இயக்க முடிவு செய்து அதற்கான பணிகளை மேற்கொண்டு வருகிறார். இந்நிலையில் இதன் முதல் பாகம் வரும் 31ம் தேதி வெளியாகவுள்ளது. உதயநிதி ஸ்டாலினின் ரெட் ஜெயண்ட் மூவிஸ் தயாரிப்பு நிறுவனம் இன்போடைன்மெண்ட் தயாரிப்பு நிறுவனத்துடன் இணைந்து இப்படத்தினை வழங்குகிறது.
ரூ.40 கோடி பட்ஜெட்டில் 'விடுதலை' திரைப்படம்
அண்மையில் தான் 'விடுதலை' படத்தின் ட்ரைலர் மற்றும் இசை வெளியீட்டு விழா மிக பிரமாண்டமாக நடந்து முடிந்த நிலையில், தற்போது இதன் போஸ்ட் ப்ரொடக்க்ஷன் பணிகள் மும்மரமாக நடந்து வருகிறது. இப்படத்தின் ட்ரைலர் ரசிகர்கள் மத்தியில் நல்ல வரவேற்பினை பெற்று வரும் நிலையில், இப்படத்தின் பட்ஜெட் விவரங்கள் தற்போது வெளியாகியுள்ளது. 'விடுதலை' படத்தினை குறைந்த செலவில் முடிக்கவே ஆரம்பத்தில் திட்டமிடப்பட்டுள்ளது. ஆனால் எதிர்பார்த்ததைவிட படம் அதிகளவில் பொருட்செலவினை எடுத்து கொண்டதால் கடைசியாக ரூ.40 கோடி செலவில் இப்படம் முடிக்கப்பட்டுள்ளது. இந்நிலையில் இப்படத்தின் மேக்கிங் வீடியோ ஒன்று இணையத்தில் வைரலாகி வருகிறது குறிப்பிடத்தக்கது.
