கர்நாடகாவில் பரவும் ஜிகா வைரஸ் - 5 வயது சிறுமிக்கு தொற்று உறுதி
கர்நாடக மாநிலம் ராய்ச்சூர் பகுதியியை சேர்ந்த ஐந்து வயது சிறுமிக்கு ஜிகா வைரஸ் தொற்று உறுதி செய்யப்பட்டுள்ளது. இது அம்மாநிலத்தில் கண்டறியப்பட்ட முதல் பாதிப்பு ஆகும். ஜிகா வைரஸ் உறுதி செய்யப்பட்டுள்ள சிறுமிக்கு கடந்த 15 நாட்களாக காய்ச்சல், வாந்தி, வயிற்றுப்போக்கு ஏற்பட்டதால் சிந்தனூர் தாலுகா அரசு மருத்துவமனையில் சிகிச்சை பெற்றதாக கூறப்படுகிறது. இதனை தொடர்ந்து அச்சிறுமிக்கு டெங்கு காய்ச்சல் இருப்பது உறுதி செய்யப்பட்டதையடுத்து விஜயநகரில் உள்ள விம்ஸ் மருத்துவமனைக்கு அவர் அனுப்பி வைக்கப்பட்டுள்ளார். அங்கு சிறுமியின் மூன்று மாதிரிகள் எடுக்கப்பட்டு புனேவில் உள்ள ஆய்வகத்திற்கு அனுப்பி வைக்கப்பட்டதில் அவருக்கு ஜிகா வைரஸ் பாதிப்பு இருப்பது உறுதி செய்யப்பட்டது.
ஏடிஸ் கொசு மூலம் பரவும் ஜிகா வைரஸ்
இதனைத் தொடர்ந்து, "கேரளா, மகாராஷ்டிரா மற்றும் வடமாநிலங்களில் ஜிகா வைரஸ் ஏற்கனவே சில மாதங்களுக்கு முன்னர் கண்டறியப்பட்ட நிலையில் கர்நாடக மாநிலத்தில் இதுவரை புதிதாக ஜிகா வைரஸ் பாதிப்பு வேறு எங்கும் கண்டறியப்படவில்லை" என்றும், "அரசு அனைத்து முன்னெச்சரிக்கை நடவடிக்கைகளையும் மேற்கொண்டு வருவதால் பொதுமக்கள் அச்சப்பட வேண்டாம்" என்றும் கூறியுள்ளார். மேலும் டெங்கு, சிக்குன்குனியா போன்ற தொற்றுநோய்களை பரப்பும் ஏடிஎஸ் கொசுக்கள் மூலமாக தான் இந்த ஜிகா வைரஸும் பரவுகிறது என்று அறிவிக்கப்படுள்ளது. தொற்று கண்டறியப்பட்ட சிறுமிக்கு தற்போது சிகிச்சை அளிக்கப்பட்டு வருவது குறிப்பிடத்தக்கது.
