இந்தியாவில் ஒரே நாளில் 106 கொரோனா பாதிப்பு: ஒருவர் உயிரிழப்பு
நேற்று(ஜூன் 14) 120ஆக இருந்த தினசரி கொரோனாவின் எண்ணிக்கை, தற்போது 106ஆக குறைந்துள்ளது. இந்தியாவில் செயலில் உள்ள கொரோனா 2,067ஆக சரிவடைந்துள்ளது. இது மொத்த தொற்றுநோய்களில் 0.00 சதவீதமாகும். இதுவரை, இந்தியாவில் 4.49 கோடி (4,49,93,186) கொரோனா பாதிப்புகள் ஏற்பட்டுள்ளது. கொரோனாவால் இதுவரை ஏற்பட்ட உயிரிழப்புகள் 531,893ஆக உயர்ந்துள்ளது. கடந்த 24 மணிநேரதத்தில் ஒரு புதிய உயிரிழப்பு பதிவாகி உள்ளது. கேரளா, தமிழ்நாடு மற்றும் தெலுங்கானா ஆகிய மூன்று தென் மாநிலங்களும் 2020-21 ஆம் ஆண்டில் சிறப்பாக கோவிட் சூழ்நிலையை கையாண்டதாக NITI ஆயோக்கின் வருடாந்திர 'சுகாதாரக் குறியீடு' கூறியுள்ளது.
கொரோனா பாதிப்புகள் மற்றும் தடுப்பூசிகளின் புள்ளிவிவரங்கள்
இந்தியாவில் ஜூன் 13ஆம் தேதி 80 பாதிப்புகளும் ஜூன் 12ஆம் தேதி 92 பாதிப்புகளும், ஜூன் 9ஆம் தேதி 169 பாதிப்புகளும், ஜூன் 8ஆம் தேதி 199 பாதிப்புகளும், ஜூன் 7ஆம் தேதி 214 பாதிப்புகளும் பதிவாகி இருந்தன. கொரோனாவிலிருந்து மீண்டவர்களின் எண்ணிக்கை 4,44,59,226ஆக உயர்ந்துள்ளது. கடந்த 24 மணிநேரதத்தில் மட்டும் 186 பேர் குணமடைந்துள்ளனர். கொரோனா மீட்பு விகிதம் 98.81 சதவீதமாகவும், இறப்பு விகிதம் 1.18 சதவீதமாகவும் பதிவு செய்யப்பட்டுள்ளதாக அமைச்சகம் தெரிவித்துள்ளது. கடந்த 24 மணி நேரத்தில் 81,475 கொரோனா சோதனைகள் நடத்தப்பட்டுள்ளது. இதுவரை 220,67,31,925 கோவிட் தடுப்பூசிகள் மக்களுக்கு வழங்கப்பட்டுள்ளதாக அமைச்சகத்தின் இணையதள தரவுகள் கூறுகின்றன. கடந்த 24 மணிநேரத்தில் மட்டும் 210 தடுப்பூசிகள் போடப்பட்டுள்ளன.
