திருபாய் அம்பானி நினைவு இல்லத்திற்கு செல்ல இவ்வளவு தானா கட்டணம்?
செய்தி முன்னோட்டம்
குஜராத்தின் சோர்வாட் என்ற கிராமத்தில், 100 ஆண்டுகளுக்கும் பழமையான வீடு ஒன்று அம்பானி குடும்பத்தாருக்கு உள்ளது.
தற்போது 'திருபாய் அம்பானி மெமோரியல் ஹவுஸ்' என்று அழைக்கப்படும் இந்த வீடு, சமீபத்தில் பொதுமக்கள் பார்வைக்காக திறக்கப்பட்டது.
அதன் நுழைவு கட்டணம் ஆச்சரியப்படுத்தும் வகையில் உள்ளது. அது பற்றி கட்டுரையின் இறுதியில் தெரிந்து கொள்ளுங்கள்.
உலக பணக்காரர்களில் ஒருவரான அம்பானி குழுமத்தின் ஆரம்ப வித்தான திருபாய் அம்பானி, மும்பையில் தனது சாம்ராஜ்யத்தை நிறுவுவதற்கு முன்னர், இந்த வீட்டில் தான் வாழ்ந்து வந்தார்.
தற்போதும் அந்த வீடு பழமை மாறாமல், பாரம்பரிய குஜராத்தி பாணியில் கட்டப்பட்ட இரண்டு மாடி மாளிகையாகவும், அழகிய நீற்றுகளுடன் கூடிய நந்தவனங்களுடன் பாதுகாக்கப்பட்டு வருகிறது.
Ambani
திருபாய் அம்பானி நினைவு இல்லம்
தொழிலதிபர் ஆன பிறகும், திருபாய் அம்பானியும், அவரது மனைவியும் இந்த பூர்வீக வீட்டிற்கு வருவதுண்டு.
முகேஷ் அம்பானியின் குழந்தைப் பருவ நினைவாக இருக்கும் இந்த இல்லம், புனரமைக்கப்பட்டு, 2011 இல் திறக்கப்பட்டது.
குடும்பத்தின் ஆன்மிக குருவான ரமேஷ்பாய் ஓசா இந்த வீட்டை முறையாக திறந்து வைத்தார்.
இந்த வீட்டை பாதுகாக்கவும், புதுப்பிக்கவும் முகேஷ் அம்பானி பெரும் தொகையை முதலீடு செய்தார்.
திங்கட்கிழமை தவிர வாரத்தின் அனைத்து நாட்களிலும், சுற்றுலாப் பயணிகள் வீட்டிற்கு வருகை தரலாம்.
பார்வையிடும் நேரம்: காலை 9:30 முதல் மாலை 5:00 மணி வரை.
மேலும் திருபாய் அம்பானியின் இந்த வீட்டிற்குள் நுழைவதற்கு, வெறும் 2 ரூபாய் மட்டுமே கட்டணம்.