ராகுல் காந்தி தகுதி நீக்கம் செய்யப்பட்டதை எதிர்த்து காங்கிரஸின் 2வது நாள் போராட்டம்
மக்களவையில் இருந்து ராகுல் காந்தி தகுதி நீக்கம் செய்யப்பட்டதை அடுத்து, நாடு முழுவதும் காங்கிரஸ் நடத்தும் போராட்டங்கள் 2வது நாளாக தொடர்கிறது. இந்நிலையில், கட்சித் தலைவர் மல்லிகார்ஜுன் கார்கே மற்றும் தலைவர் பிரியங்கா காந்தி வத்ரா ஆகியோர், தியாகியின் மகனை அரசாங்கம் மௌனமாக்க முயற்சிப்பதாக குற்றம் சாட்டியுள்ளனர். டெல்லி ராஜ்காட்டில் நேற்று(மார் 26) காங்கிரஸ் தொண்டர்கள் ஒரு நாள் சத்தியாகிரகம் நடத்திய நிலையில், ராகுல் காந்தி மற்றும் நேரு-காந்தி குடும்ப உறுப்பினர்களை பாஜக தினமும் அவமதிப்பதாக பிரியங்கா காந்தி வத்ரா குற்றம் சாட்டினார். மகாத்மா காந்தியின் நினைவிடத்தில் போராட்டம் நடத்த காவல்துறை அனுமதி மறுத்ததை அடுத்து, அவரது நினைவிடத்திற்கு வெளியே காங்கிரஸை சேர்ந்தவர்கள் ஒரு நாள் போராட்டம் நடத்தினர்.
நாடுளுமன்றத்திற்கு கருப்பு உடை அணிந்து செல்ல இருக்கும் எதிர் காட்சிகள்
ஒரே எண்ணம் கொண்ட எதிர்க்கட்சிகள் இன்று காலை 10 மணிக்கு காங்கிரஸ் தலைவர் மலிகார்ஜுன் கார்கே அலுவலகத்தில் கூடுகின்றன. அதைத் தொடர்ந்து, காலை 10.30 மணிக்கு நாடாளுமன்றத்தில் உள்ள அக்கட்சியின் அலுவலகத்தில் காங்கிரஸ் எம்பிக்கள் கூடுவார்கள். எதிர்க்கட்சி எம்.பி.க்கள் இன்று கருப்பு உடை அணிந்து சட்டப்பேரவைக்கு எதிர்ப்புத் தெரிவிக்க திட்டமிட்டுள்ளனர். காங்கிரஸ் தலைவர்களான பா.சிதம்பரம், ஜெய்ராம் ரமேஷ், சல்மான் குர்ஷீத், பிரமோத் திவாரி, அஜய் மக்கன், முகுல் வாஸ்னிக் மற்றும் ஆதிர் ரஞ்சன் சவுத்ரி ஆகியோரும் ராஜ்காட்டிற்கு வெளியே நடந்த போராட்டத்தில் கலந்து கொண்டனர். புதுச்சேரியில் இன்று ஒருநாள் உண்ணாவிரத போராட்டம் நடைபெறும் என்று முன்னாள் முதல்வரும், மூத்த காங்கிரஸ் தலைவருமான வி.நாராயணசாமி தெரிவித்திருக்கிறார்.
