வேகம் குறைந்தது; டித்வா புயலின் தற்போதைய நிலை என்ன? வானிலை ஆய்வு மையம் தகவல்
செய்தி முன்னோட்டம்
வங்கக்கடலில் நிலை கொண்டுள்ள டிட்வா புயலின் நகரும் வேகம் குறைந்துள்ளதாக இந்திய வானிலை ஆய்வு மையம் தெரிவித்துள்ளது. முன்பு மணிக்கு 12 கிமீ வேகத்தில் நகர்ந்து வந்த புயல், தற்போது 6 மணி நேரத்தில் மணிக்கு 7 கிமீ வேகத்தில் மட்டுமே நகர்ந்து வருகிறது. தற்போது தென்மேற்கு வங்கக்கடலில் மையம் கொண்டுள்ள டிட்வா புயல், சென்னையிலிருந்து 170 கிமீ தொலைவிலும், வேதாரண்யத்திலிருந்து 150 கிமீ தொலைவிலும் மையம் கொண்டுள்ளது. இது கடலூருக்கு 100 கிமீ தொலைவிலும், புதுச்சேரிக்கு 100 கிமீ தொலைவிலும், காரைக்காலுக்கு 110 கிமீ தொலைவிலும் மையம் கொண்டுள்ளது.
நகர்வு
அடுத்த 24 மணி நேர நகர்வு
அடுத்த 24 மணி நேரத்தில், டிட்வா புயல் வட தமிழ்நாடு மற்றும் புதுச்சேரிக் கடற்கரைப் பகுதியை ஒட்டி வடக்கு நோக்கி நகர வாய்ப்புள்ளது என்று வானிலை ஆய்வு மையம் தெரிவித்துள்ளது. இந்த வடக்கு நோக்கிய நகர்வின்போது, புயல் தமிழ்நாடு - புதுச்சேரி கடற்கரையிலிருந்து குறைந்தபட்சம் 30 கிமீ தூரத்தில் மையம் கொண்டிருக்கும் என்றும் கணிக்கப்பட்டுள்ளது. புயலின் வேகம் குறைந்திருப்பதால், வட மாவட்டங்களில் தொடர்ந்து கனமழை பெய்ய வாய்ப்புள்ளது. புயலின் வேகம் குறைந்து விட்டாலும், தமிழக கடலோர பகுதிகளில் பலத்த காற்று வீசும் என்றும், கனமழை பெய்ய வாய்ப்பிருப்பதாகவும் எச்சரிக்கை விடுக்கப்பட்டுள்ளது.