இனி ராஜ் பவன் கிடையாது; மக்கள் பவன் என ஆளுநர் மாளிகை பெயர் மாற்றம்
செய்தி முன்னோட்டம்
மத்திய உள்துறை அமைச்சகம் ராஜ் பவன் என்று இருந்த ஆளுநர் மாளிகைகளின் பெயரை மக்கள் பவன் (லோக் பவன்) என மாற்ற ஒப்புதல் வழங்கியுள்ளது. இந்தியாவில் உள்ள அனைத்து மாநிலங்களிலும் ஆளுநர்கள் இருக்கிறார்கள். இவர்கள் வசித்து வரும் மாளிகை ராஜ் பவன் என்று அழைக்கப்படுகிறது. தமிழ்நாட்டின் ஆளுநராக ஆர்.என்.ரவி இருந்து வருகிறார். இவரது மாளிகை சென்னை கிண்டியில் உள்ளது. கடந்த 2024 ஆம் ஆண்டு அனைத்து ஆளுநர்களின் மாநாடு நடந்தது. இதில் கலந்து கொண்ட ஆளுநர் ஆர்.ரன்.ரவி, ராஜ் பவன் என்று அழைக்கப்படும் ஆளுநர் மாளிகையின் பெயரை மாற்றும்படி கோரிக்கை விடுத்தார்.
சேவகர்கள்
மக்கள் சேவகர்கள்
மேலும், "ஆளுநர்கள் வசிக்கும் மாளிகையை ராஜ் பவன் என்று குறிப்பிடுவது ராஜாக்களை குறிப்பிடுவது போல் உள்ளது. நாங்கள் ஆளுநர்கள் இல்லை, நாங்கள் மக்கள் சேவகர்கள். இதனால், இந்தியாவில் உள்ள ஆளுநர்கள் மாளிகையின் பெயரை மக்கள் பவன் என்று மாற்ற வேண்டும்." என்று மத்திய அரசுக்கு கோரிக்கை விடுத்திருந்தார். இந்நிலையில், தமிழ்நாடு ஆளுநர் ஆர்.என்.ரவியின் கோரிக்கையை ஏற்ற மத்திய உள்துறை அமைச்சகம் ராஜ் பவன் என்று இருந்த ஆளுநர் மாளிகைகளின் பெயரை மக்கள் பவன் என மாற்ற ஒப்புதல் வழங்கியுள்ளது. இதனால், இனி ஆளுநர் மாளிகைகள் மக்கள் பவன் (லோக் பவன்) என்று அழைக்கப்படும். மேலும், யூனியன் பிரதேசங்களில் லோக் நிவாஸ் என ஆளுநர் மாளிகை அழைக்கப்படும் என்றும் தெரிவிக்கப்பட்டுள்ளது.