மணிப்பூர் பெண்கள் வீடியோ வழக்கு: 5வது குற்றவாளி கைது
செய்தி முன்னோட்டம்
மணிப்பூர் வன்முறையின் போது பெண்களை தரக்குறைவாக நடத்திய இன்னொரு குற்றவாளியை போலீஸார் கைது செய்துள்ளனர்.
இந்த சம்பவம் தொடர்பாக யும்லெம்பம் நுங்சிதோய் மெய்தே(19) என்ற 5வது குற்றவாளியை கைது செய்துள்ளதாக போலீஸார் தெரிவித்துள்ளனர்.
கடந்த புதன்கிழமை மணிப்பூர் வன்முறையின் போது எடுக்கப்பட்ட ஒரு கொடூரமான வீடியோ சமூக வலைத்தளங்களில் வெளியாகி இருந்தது.
மணிப்பூரின் காங்போக்பியில் ஒரு கும்பல் இரண்டு பெண்களை நிர்வாணமாக வீதியில் அழைத்து சென்று பாலியல் வன்கொடுமை செய்வது அந்த வீடியோவில் காட்டப்பட்டிருந்தது.
மணிப்பூர் கலவரத்தின் இரண்டாவது நாள், அதாவது மே 4ஆம் தேதி இந்த சம்பவம் நடந்ததாக கூறப்படுகிறது.
சிவ்
குற்றம் சாட்டப்பட்ட அனைவரும் போலீஸ் காவலில் வைக்கப்பட்டுள்ளனர்
மேலும், இந்த வீடியோவில் காட்டப்பட்டுள்ள ஒரு பெண் கொடூரமாக கூட்டு பலாத்காரம் செய்யப்பட்டதாக போலீஸார் பதிவு செய்த FIR கூறுகிறது.
அந்த பெண்ணின் 19 வயது சகோதரர் இதை தடுக்க முயற்சித்த போது அவர் கொடூரமாக கொலை செய்யப்பட்டிருக்கிறார்.
இது தொடர்பாக, கடந்த வியாழக்கிழமை காலை, ஹுரெம் ஹெராதாஸ் சிங்(32) என்ற முக்கிய குற்றவாளியை போலீஸார் கைது செய்தனர்.
அதற்கு பிறகு, ஹுரெம் ஹெராதாஸ் வீட்டிற்கு ஒரு பெண்கள் கும்பல் தீ வைத்தது.
தற்போது, குற்றம் சாட்டப்பட்ட அனைவரும் விசாரணைக்காக 11 நாட்கள் போலீஸ் காவலில் வைக்கப்பட்டுள்ளனர்.
அந்த இரண்டு பெண்களின் வீடியோவை சமூக வலைத்தளங்களில் பகிர வேண்டாம் என்று ட்விட்டர் மற்றும் பிற சமூக வலைத்தளங்களுக்கு மத்திய அரசு உத்தரவு பிறப்பித்துள்ளது.