2026-ல் சூர்யாவின் 2வது ₹200 கோடி படம்: பாக்ஸ் ஆபீஸில் 'விஸ்வநாத் அண்ட் சன்ஸ்' நிகழ்த்திய பிரம்மாண்ட சாதனை
செய்தி முன்னோட்டம்
திரைத்துறை வரலாற்றில் நடிகர் சூர்யாவுக்கு 2026-ஆம் ஆண்டு மிகச் சிறந்த ஆண்டாக அமைந்து வருகிறது. ஆகஸ்ட் 14 அன்று திரையரங்குகளில் வெளியான அவரது 'விஸ்வநாத் அண்ட் சன்ஸ்' திரைப்படம், உலகளவில் ரூ. 200 கோடி வசூல் சாதனையை கடந்து வெற்றிகரமாக ஓடிக் கொண்டிருக்கிறது. 'கருப்பு' படத்தைத் தொடர்ந்து இந்த ஆண்டின் இரண்டாவது ரூ. 200 கோடி வசூல் சாதனையை இத்திரைப்படம் எட்டியுள்ளது.
வசூல் சாதனை
பாக்ஸ் ஆபீஸில் ரூ. 200 கோடி வசூல் சாதனை
வெங்கி அட்லூரி இயக்கத்தில் உருவான இத்திரைப்படம் குடும்ப பார்வையாளர்களின் அமோக ஆதரவைப் பெற்று வருகிறது.
The Times of India மற்றும் NDTV Profit வெளியிட்ட தரவுகளின்படி, 'விஸ்வநாத் அண்ட் சன்ஸ்' இந்தியாவில் மட்டும் ₹100 கோடிக்கு அதிகமான நிகர வசூலையும், ₹116.42 கோடி மொத்த வசூலையும் அடைந்துள்ளது.
வட அமெரிக்காவில் $2 மில்லியன் வசூலை தாண்டி சூர்யாவின் திரைப்பயணத்திலேயே அங்கு அதிக வசூல் செய்த திரைப்படமாக இது உருவெடுத்துள்ளது.
இரண்டாவது வார இறுதியில் படம் தனது நிலையான வசூலை தொடர்ந்து தக்கவைத்து வருகிறது.
10-வது நாளில் இந்தியாவில் மட்டும் ₹8.45 கோடி மொத்த வசூலை இத்திரைப்படம் ஈட்டியுள்ளது.
இதில் தமிழ்நாட்டில் ₹3.50 கோடியும், ஆந்திரா மற்றும் தெலங்கானாவில் ₹3.40 கோடியும் வசூலாகியுள்ளது.
கதைக்களம்
குடும்பங்களை கவரும் கதைக்களம்
சஞ்சய் விஸ்வநாத் என்ற கதாபாத்திரத்தில் சூர்யா நடித்திருக்கும் இத்திரைப்படத்தில், மமிதா பைஜூ கதாநாயகியாக நடித்துள்ளார்.
தன் குழந்தையின் மருத்துவச் சிகிச்சைகாக வாடகைத் தாயான 'மேடி'யைத் தேடிச் செல்லும் சஞ்சய்யின் வாழ்க்கையில் ஏற்படும் மாற்றங்களை மையமாகக் கொண்டு கதைக் களம் நகர்கிறது.
ராதிகா சரத்குமார், ரவீனா டாண்டன், சுனில், நாசர் போன்ற பல முன்னணி நட்சத்திரங்கள் நடித்துள்ள இத்திரைப்படம் உணர்ச்சிப்பூர்வமான காட்சிகளால் ரசிகர்களை வெகுவாகக் கவர்ந்துள்ளது.