புஷ்பா 2 படத்தில் ராஷ்மிகா மந்தனாவுக்கு பதிலாக சாய் பல்லவி நடிக்கிறாரா? - புதிய அப்டேட்
2021-ல் இயக்குனர் சுகுமார் எழுதி இயக்கி, அல்லு அர்ஜுன் நடித்து வெளியான ஒரு அதிரடி திரைப்படம் புஷ்பா: தி ரைஸ். தெலுங்கில் வெளியான இந்த படம் மலையாளம், கன்னடம், ஹிந்தி மற்றும் தமிழிலும் டப் செய்யப்பட்டது. இப்படத்திற்கு தேவி ஸ்ரீ பிரசாத் இசையமைத்துள்ளார். முக்கிய கதாப்பாத்திரத்தில் நடிக்கும் அல்லு அர்ஜூனுடன் இணைந்து ராஷ்மிகா மந்தான்னா நடித்துள்ளார். இந்த படத்தின் அடுத்த பாகம் தற்போது உருவாகி வருகிறது. இதனிடையில் இப்படத்தில் இரண்டாம் பாகத்தில் நடிப்பதற்காக சாய்பல்லவியிடம் பேசப்பட்டு வருவதாக தகவல்கள் கசிந்துள்ளன. அப்படியென்றால் முதல் பாகத்தில் நடித்த ராஷ்மிகா மந்தண்ணா இரண்டாம் பாகத்திலிருந்து நீக்கப்படுகிறாரா? முழு தகவல்களை பெற தொடர்ந்து படியுங்கள்.
ராஷ்மிகாவை தொடர்ந்து புஷ்பா 2-ல் சாய் பல்லவி?
புஷ்பா முதல் பாகத்தில் புஷ்பராஜ் காதலித்து வந்த ஸ்ரீவள்ளி கதாப்பாத்திரத்தில் ராஷ்மிகா நடித்தார். இப்படத்தின் இறுதியில் இருவருக்கும் திருமணம் நடைபெறும் காட்சிகள் அமைக்கப்பட்டு இருக்கும். தற்போது புஷ்பா: தி ரைஸ் இரண்டாம் பாகத்திற்கு சுகுமார் அவர்கள் வலுவான, மறக்க முடியாத பழங்குடியின பெண் கதாபாத்திரத்தை உருவாக்கி உள்ளதாகவும், அதற்கு நடிக்க சாய் பல்லவியை பரிசீலித்து வருவதாகவும் கூறுகின்றனர். எனவே இப்படத்தில் ராஷ்மிகாவுடன் சாய் பல்லவியும் இந்த படத்தில் இணைந்து நடிப்பார்கள் என நம்பப்படுகிறது. சாய் பல்லவி இடம் பெரும் காட்சிகள் தோராயமாக 20 நிமிடம் வரை இருக்கும் என சொல்லப்படுகிறது. சாய் பல்லவி இந்த வாய்ப்பினை நிராகரித்தால் அவருக்கு பதிலாக இந்த கதாப்பாத்திரத்தில் ஐஸ்வர்யா ராஜேஷ் வரலாம் என கூறப்படுகிறது.
