'ஹண்டர் வாண்டார் சூடுடா': ரஜினியின் 'வேட்டையன்' ப்ரீவ்யூ வீடியோ வெளியானது
சூப்பர்ஸ்டார் ரஜினிகாந்த் தற்போது 'ஜெய் பீம்' பட இயக்குநர் டி.ஜே. ஞானவேல் இயக்கத்தில் 'வேட்டையன்' படத்தில் நடித்து முடித்துள்ளார். 'ஜெயிலர்' படத்தின் வெற்றியினைத்தொடர்ந்து ரஜினி நடிக்கும் படம் இது. வரும் அக்டோபர் 10ஆம் தேதி இப்படம் திரைக்கு வரவுள்ளது. 'வேட்டைன்' திரைப்படத்தில் ரஜினிகாந்துடன், ஃபஹத் ஃபாசில், ராணா டகுபதி, மஞ்சு வாரியர், துஷாரா விஜயன், ரித்திகா சிங் ஆகியோரும் படம் முழுக்க நடித்துள்ளனர். இவர்களுடன் முக்கிய வேடத்தில் பாலிவுட்டின் சூப்பர்ஸ்டார் அமிதாப் பச்சன் முக்கிய வேடத்தில் நடித்துள்ளார். முக்கிய நடிகர்களின் கதாபத்திர வெளியீடுகளை தொடர்ந்து இன்று நடைபெறும் இசை நிகழ்ச்சியில் வேட்டையன் படத்தின் ப்ரீவ்யூ வீடியோ வெளியாகியுள்ளது. லைகா நிறுவனம் தயாரிக்கும் 'வேட்டையன்' படத்திற்கு இசையமைத்திருப்பது அனிருத்.
