விஜய் நடிப்பில் வெளியாகும் வாரிசு படத்தின் ரிலீஸ் தேதி அதிகாரபூர்வ அறிவிப்பு
செய்தி முன்னோட்டம்
ரசிகர்களின் எதிர்ப்பார்ப்புடன் வருகிற பொங்கல் விடுமுறை தினத்தையொட்டி வெளியாக இருக்கும் படம் 'வாரிசு.' தளபதி விஜய்யின் நடிப்பில் உருவான இந்த படத்தை தில் ராஜு இப்படத்தை தயாரித்துள்ளார். இப்படத்தை வம்சி பைடிபைலி எழுதி இயக்கியுள்ளார். விஜய்க்கு ஜோடியாக ராஷ்மிகா மந்தண்ணா முக்கிய பாத்திரத்தில் நடிக்கிறார். இவர்களுடன் சரத் குமார், பிரகாஷ் ராஜ், யோகி பாபு, ஷாம், ஜெயசுதா, ஸ்ரீகாந்த், குஷ்பு, மகேஸ்வரி, ஜெயசுதா, கணேஷ் வெங்கட்ராமன், சங்கீதா கிரிஷ், சம்யுக்தா ஆகியோர் நடித்துள்ளனர். இந்த படத்திற்கு கார்த்திக் பழனி ஒளிப்பதிவு செய்துள்ளார். மேலும் இசையமைப்பாளர் தமன் இப்படத்திற்கு இசையமைத்துள்ளார். இந்த படத்தை தெலுங்கு மற்றும் ஹிந்தி மொழிகளிலும் வெளியிட படக்குழு திட்டமிட்டுள்ளது.
ரிலீஸ் தேதி
ட்ரைலரை தொடர்ந்து ரிலீஸ் தேதியை அறிவித்தது படக்குழு
இப்படத்தில் வரும் ரஞ்சிதமே ரஞ்சிதமே, தீ தளபதி மற்றும் அம்மா பாடலாக வெளிவந்த சோல் ஆஃப் வாரிசு ஆகிய பாடல்கள் ரசிகர்களிடையே நல்ல வரவேற்பை பெற்றது. இதனையடுத்து வாரிசு படத்தின் இசை வெளியீட்டு விழா கடந்த டிசம்பர் மாதம் 24-ஆம் தேதி நடைபெற்றது. இந்நிலையில் வாரிசு படத்தின் ட்ரைலர் நேற்று வெளியாகியது. தற்போது இந்த படத்தின் ட்ரைலர் 10 மில்லியனுக்கும் மேல் பார்க்கப்பட்டுள்ளது. மேலும் வாரிசு படம் ஜனவரி 11-ந்தேதி வெளியாகிறது என அதிகாரப்பூர்வ அறிவிப்பை படக்குழு வெளியிட்டது. அஜித் நடித்து வெளியாகும் துணிவு படமும் அதே தேதியில் வெளியாக உள்ளது. தமிழ் திரையுலகின் இரண்டு பெரிய நட்சத்திரங்கள் 8 வருடத்திற்கு பிறகு இந்த படங்களின் மூலம் மோதி கொள்வது குறிப்பிடத்தக்கது.