இரட்டை வேடத்தில் நயன்தாரா, மிரட்டலான வில்லி ரெஜினா: வெளியானது மூக்குத்தி அம்மன் 2 டிரெய்லர்
செய்தி முன்னோட்டம்
நயன்தாரா நடிப்பில் கடந்த 2020-ஆம் ஆண்டு வெளியாகிப் பெரும் வரவேற்பை பெற்ற 'மூக்குத்தி அம்மன்' திரைப்படத்தின் இரண்டாம் பாகமான 'மூக்குத்தி அம்மன் 2' படத்தின் விறுவிறுப்பான அதிகாரப்பூர்வ டிரெய்லர் தற்போது வெளியாகியுள்ளது. தீபாவளிப் பண்டிகையை முன்னிட்டு வரும் நவம்பர் 6, 2026 அன்று இப்படம் உலகம் முழுவதும் திரையரங்குகளில் வெளியாகவுள்ள நிலையில், வெளியிடப்பட்டுள்ள இந்த டிரெய்லர் ரசிகர்கள் மத்தியில் மிகப்பெரிய எதிர்பார்ப்பை ஏற்படுத்தியுள்ளது.
ரெஜினாவின் வில்லத்தனம்
இரு வேடங்களில் நயன்தாரா
புராணப் பின்னணியையும் சமகால பிரச்சனைகளையும் ஒன்றிணைத்து உருவாக்கப்பட்டுள்ள இந்த டிரெய்லர், கடந்த காலத்தில் இரு பெரும் சக்திகளுக்கு இடையே நிகழும் ஆக்ரோஷமான மோதலுடன் தொடங்குகிறது.
தொடர்ச்சியாக நிகழ்காலத்தில் எளிய பெண் காவலர் ஒருவர் எதிர்பாராத விதமாகத் தெய்வீக சக்திகளுக்கு இடையிலான பெரும் போரில் சிக்கும் காட்சிகள் இடம்பெற்றுள்ளன.
இதில் நயன்தாரா, மகாசக்தி என்ற அம்மன் கதாபாத்திரத்திலும், முற்றிலும் மாறுபட்ட குணாதிசயம் கொண்ட நவீன காலப் பெண் கதாபாத்திரத்திலும் என இரட்டை வேடங்களில் நடித்துள்ளதாகத் தெரிகிறது.
நடிகை ரெஜினா கசாண்ட்ரா வில்லி கதாபாத்திரத்தில் மிரட்டலான தோற்றத்தில் களமிறங்கியுள்ளதுடன், கதையின் பிரதான மோதல் மையமாக அவரது கதாபாத்திரம் வடிவமைக்கப்பட்டுள்ளது.
டிரெய்லரின் முடிவில் மேலும் மூன்று தெய்வீகக் கதாபாத்திரங்களின் வருகை சூசகமாக உணர்த்தப்பட்டு ரசிகர்களுக்கு ஆச்சரியத்தை அளித்துள்ளது.
வெளியீட்டு விவரம்
நட்சத்திரப் பட்டாளம்
இப்படத்தில் நயன்தாரா மற்றும் ரெஜினா கசாண்ட்ராவுடன் இணைந்து துனியா விஜய், ஊர்வசி, யோகி பாபு, அபினயா, ஸ்ருதி எஸ் உள்ளிட்ட முன்னணி நட்சத்திரப் பட்டாளமே முக்கிய கதாபாத்திரங்களில் நடித்துள்ளனர்.
ஆர்.ஜே. பாலாஜி மற்றும் என்.ஜே. சரவணன் இயக்கத்தில் 2020-ல் வெளியான முதல் பாகம் நேரடியாக ஓடிடியில் வெளியாகி பிளாக்பஸ்டர் வெற்றி பெற்ற நிலையில், தற்போது உருவாகியுள்ள இரண்டாம் பாகம் திரையரங்குகளில் பிரம்மாண்டமாகக் களமிறங்குகிறது.
நகைச்சுவை, பக்தி மற்றும் ஆக்ஷன் கலந்த ஒரு முழுமையான குடும்பத் திரைப்படமாக 'மூக்குத்தி அம்மன் 2' அமைந்திருப்பதை டிரெய்லர் உறுதி செய்துள்ளது.