கமல்ஹாசன் படப்பிடிப்புக்கு காலை 5 மணிக்கு வந்துவிடுவார் மேக்கப் முடிய 5 மணிநேரம் ஆகும் - ரகுல் ப்ரீத் சிங்
செய்தி முன்னோட்டம்
ஷங்கர் இயக்கத்தில் கமல்ஹாசன் நடித்து, வரவிருக்கும் படம் இந்தியன் 2.
இந்த படம் 1996-ல் வெளிவந்த இந்தியன் திரைப்படத்தின் தொடர்ச்சியாகும்.
2018 ஆம் ஆண்டு கமல்ஹாசனின் பிறந்த தினமான நவம்பர் 7 அன்று இத்திரைப்படம் லைக்கா நிறுவனத்தால் தயாரிக்கப்பட இருப்பதாக அதிகாரபூர்வ செய்தி வெளிவந்தது.
ஆர். ரத்னவேலு ஒளிப்பதிவில், அனிருத் இப்படத்திற்கு இசையமைக்கிறார்.
கமல் முக்கிய கதாபாத்திரத்தில் நடிக்கிறார். இவருடன் காஜல் அகர்வால், சித்தார்த், ரகுல் ப்ரீத் சிங், டெல்லி கணேஷ் ஆகியோர் நடிக்கின்றனர்.
தனியார் ஸ்டுடியோவில் நடைப்பெற்று வந்த இந்த படத்தின் படப்பிடிப்பு விபத்துக்குள்ளாகி 3 பேர் உயிர் இழந்தனர்.
உயிரிழந்த மற்றும் காயமடைந்தவர்களுக்கு நிவாரணத் தொகை வழங்கப்பட்டு மீண்டும் படபிடிப்பு தொடங்கப்பட்டது.
ராகுல் ப்ரீத் சிங்
கமல்ஹாசனை குறித்து மனம் திறந்து பேசிய ராகுல் ப்ரீத் சிங்
இதனையடுத்து, இப்படத்தில் நடித்துள்ள ரகுல் ப்ரீத் சிங் சமீபத்தில் அளித்த பெட்டியில் கூறியதாவது,
"இந்தியன் 2 படத்தில் கமலஹாசன் 90 வயது நிரம்பிய பெரியவராக நடிக்கிறார்.
மேலும் அதற்காக அவர் காலை 5 மணிக்கே வந்து விடுவார், ஏனெனில் அந்த மேக்கப் போடுவதற்கு 5 மணி நேரம் ஆகும்.
அப்போது தான் மேக்கப் முடிந்து காலை 10 மணிக்கு படப்பிடிப்பை தொடர முடியும் என கூறியுள்ளார்.
மேலும் இந்த மேக்கப்பை அகற்ற 2 மணி நேரமாவது ஆகும் என குறிப்பிட்டுள்ளார்.
60வது ஆண்டு காலமாக திரையுலகில் இருக்கும் கமலை விட வேறு யாராலும் சினிமாவை பற்றி அதிகம் தெரிந்து வைத்துக்கொள்ள முடியாது" என அவர் கூறியுள்ளார்.