பிக் பாஸ் தமிழ் சீசன் 9: இந்த வாரம் யாரும் எதிர்பாராத வெளியேற்றம் உண்டா?
செய்தி முன்னோட்டம்
விஜய் டிவியில் ஒளிபரப்பாகி வரும் பிக் பாஸ் தமிழ் சீசன் 9 நிகழ்ச்சியில் இந்த வாரம் யார் வெளியேறப் போகிறார் என்ற தகவல் வெளியாகியுள்ளது. அதுவும் யாரும் எதிர்பார்க்காத ஒரு போட்டியாளர் நாளை வெளியேற்றப்படலாம் என்று கூறப்படுகிறது. இந்த சீசன் ஆரம்பம் முதல் சண்டைகளுக்கே பஞ்சமில்லாமல் இருந்து வந்தது. குறிப்பாகத் திவாகர் - பார்வதி கூட்டணி ஆரம்பத்தில் அதிகம் ட்ரோல் செய்யப்பட்டது. பார்வதி, எல்லாப் ப்ரோமோவிலும் சண்டை போடுவதாகவே காட்டப்பட்டார். ஆனால், கடந்த வாரத்தில் அவர் விளையாடும் விதத்தை மொத்தமாக மாற்றியுள்ளார். சமீபத்தில் நடந்த ஸ்கூல் டாஸ்க்கில் பார்வதி, வசந்தி டீச்சராகப் பங்கேற்று, பல எதிர்ப்புகளைச் சமாளித்தாலும், சில நேரங்களில் அழுதுள்ளார்.
வாய்ப்பு
யார் வெளியேற வாய்ப்பு?
அவரது இந்த மாற்றம், ஒருவேளை அவர் உண்மையாகவே இவ்வாறு தானா அல்லது வெளியே ரகசியத் தகவல் ஏதும் கிடைத்ததா என்ற கேள்விகளை ரசிகர்கள் மத்தியில் ஏற்படுத்தியுள்ளது. இந்த வாரத்திற்கானப் படப்பிடிப்பு இன்னும் தொடங்காத நிலையில், முதலில் வியானாதான் வெளியேற்றப்பட அதிக வாய்ப்புள்ளதாகச் செய்திகள் வெளியாகின. ஆனால், கடைசி நேரத்தில் அரோரா வெளியேற்றப்படப் போவதாகவும் சொல்லப்படுகிறது. சனிக்கிழமை (நவம்பர் 29) நிகழ்ச்சியை நடத்தும் விஜய் சேதுபதி, வியானா அளவுக்கு அதிகமாகச் செய்யும் சேட்டைகள் குறித்துக் கேள்வி எழுப்பலாம் என்றும் எதிர்பார்க்கப்படுகிறது. அதேபோல், பார்வதியின் விளையாட்டுகளை அவர் பாராட்டுவாரா அல்லது அவர் அழுததை வைத்து விமர்சிப்பாரா என்ற எதிர்பார்ப்பும் ரசிகர்களிடையே நிலவுகிறது.