பிக்பாஸ் தமிழ் 8: இந்த வாரம் இவர் தான் வெளியேற போகிறாரா?
விஜய் டிவியில் ஒளிபரப்பாகி வரும் பிக்பாஸ் தமிழ் 8வது சீசன் பெரிதாக வரவேற்பை பெறவில்லை. இந்த சீசனில் ஆண்கள் அணி, பெண்கள் அணி என இரு அணிகளாக பிரிக்கப்பட்டு விளையாடி வருகின்றனர். இதனால் விளையாட்டில் சுவாரசியம் என்பது இல்லை என ஆரம்பத்தொட்டே நேயர்கள் கருத்து தெரிவித்து வருகின்றனர். இதையே தான் வாராவாரம் விஜய் சேதுபதியும் கூறி வருகிறார். எனினும் ஹவுஸ்மேட்ஸ் அதை கேட்டபாடில்லை. மாறிமாறி சிறுசிறு விஷயங்களுக்காக சண்டை போட்டுக்கொள்வது, ரூல்ஸ் பிரேக் செய்வது என தங்கள் இஷ்டத்திற்கு தான் ஆடி வருகின்றனர். இந்த நிலையில் நாமினேஷன் பிரீபாஸ் வேறு. அதை பெறுபவர்கள் அந்த வார எவிக்ஷனில் தப்பித்து கொள்வார்கள். இந்த நிலையில் இந்த வாரம் வீட்டிலிருந்து வெளியேறவிருப்பது யார் என தெரியவந்துள்ளது.
இந்த வாரமும் வீட்டிலிருந்து வெளியேற போவது வைல்ட் கார்டு கண்டெஸ்டண்ட்?
தற்போது வரை இணையதளங்கள் நடத்திய எவிக்ஷன் பட்டியலில் கடைசி இடத்தில இருந்தது சிவகுமார். ஆனால், இந்த வார நாமினேஷன் ஃபிரீ டாஸ்க்கில் வெற்றி பெற்ற ஆண்கள் அணி, இந்த வார எவிக்ஷனிலிருந்து சிவகுமார்-ஐ காப்பாற்ற முடிவெடுத்தனர். அதனால் அந்த பாஸ்-ஐ அவரிடம் தந்து அவரை காப்பாற்றினார். அடுத்ததாக குறைவான வாக்குகள் பெற்று டேஞ்சர் சோனில் இருப்பது சாச்சனா மற்றும் வர்ஷினி. இதில் சாச்சனாவை எப்படியும் விஜய் டிவி வெளியே அனுப்பாது என பார்வையாளர்கள் கருத்து தெரிவித்து வருகின்றனர். அதனால் இந்த வாரம் வர்ஷினி வெளியேறுவதற்கான வாய்ப்புகள் அதிகம் என ஊடக செய்திகள் கூறுகின்றன. வர்ஷினியும் வைல்ட் கார்டு கண்டெஸ்டண்டாக நுழைந்தவர். சென்ற வாரம் மற்றொரு வோல்ட்கார்டு கண்டெஸ்டண்டான ரியா வெளியேறியது குறிப்பிடத்தக்கது.
