'விடுதலை', 'பத்து தல' என இந்த மார்ச் மாதம் வெளியாகவிருக்கும் படங்களின் வரிசை
கடந்த இரு மாதங்களில் வெளியான 'வாத்தி', 'துணிவு', 'வாரிசு' போன்ற படங்களை தொடர்ந்து, இந்த மார்ச் மாதம் வெளியாகவிருக்கும் பெரிய பட்ஜெட் படங்கள் என்னவென்று பார்க்கலாம். விடுதலை: வெற்றிமாறன் இயக்கத்தில், விஜய் சேதுபதி மற்றும் சூரி நடித்துள்ள இந்த படம், மார்ச் 30 வெளியாகிறது. ஜெயமோகனின் 'தூயவன்' கதையை அடிப்படையாக கொண்டு, ஒரு சமூக அரசியல் நாடகமாக எடுக்கப்படுகிறது இந்த படம். இந்த படத்தின், ஆடியோ மற்றும் டிரெய்லர் மார்ச் 8 ஆம் தேதி வெளியிடப்படும். பத்து தல: சிம்புவும், கவுதம் கார்த்திக்கும் நடிக்கும் இந்த படம் மிகுந்த எதிர்பார்ப்பை கிளப்பியுள்ளது. நேற்று (மார்ச் 3) இந்த படத்தின் டீஸர் வெளியானது. இது ஒரு போலீஸ்-கேங்ஸ்டர் படம்.
ஜெயம் ரவி நடிப்பில் அகிலன் அடுத்த வாரம் வெளியாகிறது
கண்ணை நம்பாதே: மாறன் இயக்கத்தில், க்ரைம் த்ரில்லர் படமாக எடுக்கப்பட்ட இந்த திரைப்படத்தில், உதயநிதி ஸ்டாலின், ஆத்மிகா, சுபிக்ஷா ஆகியோர் முக்கிய வேடங்களில் நடித்துள்ளனர். பத்தாண்டுகளுக்குப் பிறகு நடிகை பூமிகா சாவ்லா, இந்த படம் மூலம் தமிழ் சினிமாவிற்கு ரீஎன்ட்ரி தருகிறார். இப்படம் மார்ச் 17ஆம் தேதி வெளியாகிறது. அகிலன்: கல்யாண கிருஷ்ணன் இயக்கத்தில் ஜெயம் ரவி, ப்ரியா பவானி சங்கர் ஆகியோர் நடித்துள்ள படம் 'அகிலன்'. இப்படம் மார்ச் 10ஆம் தேதி திரையரங்குகளில் வெளியாகவுள்ளது. இப்படத்தின் டிரைலர் இன்று (மார்ச் 4) வெளியாகிறது. இதோடு, நேற்று (மார்ச் 3), சசிகுமார் நடிப்பில் அயோத்தி, பிரபுதேவா நடித்துள்ள பகீரா மற்றும் அட்டகத்தி தினேஷ் நடித்துள்ள பல்லு படாம பாத்துக்கோ போன்ற படங்களும் வெளியாகியுள்ளது.
