காலணி மற்றும் தோல் பொருள்கள் உற்பத்தியில் நாட்டிலேயே முதலிடம் பிடித்த தமிழ்நாடு
செய்தி முன்னோட்டம்
இந்தியா முழுவதிலும் காலணி மற்றும் தோல் பொருட்கள் உற்பத்தி செய்வதில் முதல் இடத்தினை தமிழ்நாடு மாநிலம் பிடித்துள்ளது என்று தொழில் மற்றும் முதலீட்டு துறை அமைச்சர் டி.ஆர்.பி.ராஜா தெரிவித்துள்ளார்.
இது குறித்து அவர் கூறியுள்ளதாவது, தமிழ்நாடு 'காலணி மற்றும் தோல் பொருட்கள் கொள்கை 2022' வெளியிடப்பட்டதில் இருந்து ரூ.2,250 கோடி மதிப்பிற்கான திட்டங்களுக்கு புரிந்துணர்வு ஒப்பந்தங்கள் கையெழுத்தானது.
ரூ.1,000 கோடி முதலீடுகளும் தயாரானது.
மேலும் கூடுதலாக தோல் மற்றும் தோல் அல்லாத காலணிகள் ஏற்றுமதி தமிழகத்தில் 48% ஆகும்.
அதன்படி பார்த்தால் இந்தியாவிலேயே தமிழகத்தில் தான் அதிகளவிலான ஏற்றுமதி செய்யப்படுகிறது என்று கூறியுள்ளார்.
அமைச்சர்
பொருளாதார வளர்ச்சிக்கு ஒரு முக்கிய அங்கமாக திகழ்கிறது - அமைச்சர் பேட்டி
அதனை தொடர்ந்து, அனைத்து வகையான காலணிகளை தயாரிப்பதிலும் தமிழ்நாடு தான் நாட்டிலேயே முதல் இடத்தில் உள்ளது என்றும் அமைச்சர் கூறியுள்ளார்.
இந்த துறையானது விரிவாக்கம் செய்யப்படும் பட்சத்தில் ஊர் பக்கம் கொண்ட பல்லாயிரக்கணக்கான பெண்களுக்கு வேலைவாய்ப்பு வழங்கப்பட்டதோடு, அவர்களது நிதி நிலையும் மேம்படுத்தப்பட்டுள்ளது என்றும் அமைச்சர் டி.ஆர்.பி.ராஜா தான் அளித்த பேட்டி ஒன்றில் கூறியுள்ளார்.
மேலும் காலணி உற்பத்தியில் தமிழ்நாடு முதலிடத்தில் இருப்பது என்பது மாநிலத்தின் பொருளாதார வளர்ச்சிக்கு ஒரு முக்கிய அங்கமாக திகழ்கிறது என்றும் அமைச்சர் கூறியுள்ளது குறிப்பிடத்தக்கது.