கிரெடிட் கார்டு மோசடியில் பாதிக்கப்பட்டால் உடனடியாக செய்ய வேண்டியது என்ன? அனைவரும் தெரிந்துகொள்ள வேண்டியவை
செய்தி முன்னோட்டம்
டிஜிட்டல் பரிவர்த்தனைகள் அதிகரித்துவரும் நிலையில், கிரெடிட் கார்டு மோசடிகளும் பெருகி வருகின்றன. வங்கியில் இருந்து எதிர்பாராத டெபிட் எச்சரிக்கை வந்தால் பதற்றம் அடையாமல், உடனடியாகச் செயல்படுவது பண இழப்பைக் குறைக்க உதவும். சரியான வழிமுறைகள் மற்றும் உங்கள் உரிமைகளைத் தெரிந்துகொள்வது பணத்தை மீட்டெடுப்பதற்கான வாய்ப்புகளை அதிகரிக்கும். ரிசர்வ் வங்கியின் (ஆர்பிஐ) விதிகளின்படி, வாடிக்கையாளர்கள் சரியான நேரத்தில் புகாரளித்தால் முழுப் பாதுகாப்பையும் பெற முடியும். கூடுதல் விபரங்கள் இங்கே:-
நடவடிக்கை
உடனடி நடவடிக்கைகள்
சந்தேகத்திற்குரிய பரிவர்த்தனையை அறிந்தவுடன் நீங்கள் செய்ய வேண்டிய முதல் காரியம், கார்டை பிளாக் செய்வதுதான். இதை வங்கியின் மொபைல் செயலி, நெட் பேங்கிங் அல்லது 24x7 வாடிக்கையாளர் சேவை எண் மூலம் உடனடியாகச் செய்யலாம். இது மேலும் அங்கீகரிக்கப்படாத பண பரிமாற்றங்களைத் தடுக்கும். அடுத்ததாக, மோசடி குறித்து உங்கள் வங்கிக்குத் தெரிவிக்க வேண்டும். பெரும்பாலான வங்கிகள் இதற்காக வைத்துள்ள ஒரு நிரப்பச் சொல்லும். அதில் பரிவர்த்தனைத் தொகை, தேதி, அடையாள அட்டை மற்றும் நீங்கள் அங்கீகரிக்கவில்லை என்பதற்கான எழுத்துப்பூர்வ அறிக்கை போன்ற விவரங்கள் தேவைப்படும்.
புகார்
புகார் மற்றும் ஆதாரங்களை சேமித்தல்
உங்கள் வழக்கை வலுப்படுத்த, வங்கியின் வாடிக்கையாளர் சேவை, ஆர்பிஐயின் புகார் மேலாண்மை அமைப்பு மற்றும் அருகிலுள்ள காவல் நிலையத்தில் முறையான எஃப்ஐஆர் என அனைத்து அதிகாரப்பூர்வ வழிகளிலும் உங்கள் புகாரைப் பதிவு செய்ய வேண்டும். எஸ்எம்எஸ் எச்சரிக்கைகள், எஃப்ஐஆர் நகல்கள், பரிவர்த்தனையின் ஸ்கிரீன் ஷாட்கள் மற்றும் வங்கியுடனான மின்னஞ்சல்கள் போன்ற மோசடி தொடர்பான அனைத்துத் தகவல்களையும் நீங்கள் சேமிக்க வேண்டும். இந்த ஆவணங்கள் உங்கள் உரிமைகோரலை ஆதரிக்க உதவும். ஆவணங்களைச் சமர்ப்பித்த பிறகு, வங்கி விசாரணையைத் தொடங்குவதைக் கண்காணிக்கவும். பணம் திரும்பப் பெறும் காலக்கெடு மற்றும் எதிர்கால அறிக்கைகளை கவனமாகச் சரிபார்க்கவும். கிரெடிட் கார்டு மோசடி யாருக்கு வேண்டுமானாலும் நடக்கலாம், ஆனால் விரைவான செயல்பாடும் விழிப்புணர்வும் தற்காத்துக்கொள்ள உதவிகரமாக இருக்கும்.