அட்டகாசமான அம்சங்களுடன் Yamaha 2023 மாடல்கள் இந்தியாவில் அறிமுகம்!
செய்தி முன்னோட்டம்
இந்தியாவில் யமஹா நிறுவனம் FZ-X, MT-15, FZS, FZS-FI V4 டீலக்ஸ் மற்றும் R15M ஆகியவை பைக்குகளை அறிமுகப்படுத்தியுள்ளது.
இந்த பைக்குகள் முற்றிலுமாக புதிய தோற்றம், அசத்தலான அம்சங்களுடனே வெளிவருகிறது.
150சிசியில் நல்ல வரவேற்பை பெற்று வரும் FZS-Fi V4 டீலக்ஸ், FZ-X, MT-15 V2 டீலக்ஸ் மற்றும் R15M மாடல்களில் தற்போது டிராக்ஷன் கண்ட்ரோல் சிஸ்டம் ஸ்டாண்டர்டு அம்சமாக வழங்கப்பட்டு உள்ளது.
இந்த புதிய பைக்குகள் அதிகளவில் ஸ்லிப் ஆகாமல் இருக்க இக்னிஷன் டைமிங் மற்றும் ஃபியூவல் இன்ஜெக்ஷன் வால்யுமை கண்ட்ரோல் செய்கிறது.
FZS-Fi V4 டீலக்ஸ் மாடலில் முற்றிலும் புதிய ஹெட்லைட் டிசைன், எல்இடி ஃபிளாஷர்கள் கொடுக்கப்பட்டுள்ளன.
இத்தோடு, Y-கனெக்ட் செயலி மூலம் ப்ளூடூத் கனெக்டிவிட்டி வசதியும் வழங்கப்படுகிறது.
Yamaha பைக்
Yamaha நிறுவனத்தின் 5 புதிய பைக்குகள் இந்தியாவில் அறிமுகம்
FZ-X மாடலிலும் டிராக்ஷன் கண்ட்ரோல் சிஸ்டத்துடன் எல்இடி ஃபிளாஷர்கள், முற்றிலும் புதிய டார்க் மேட் புளூ மற்றும் கோல்டன் நிற ரிம் வேரியண்ட் கொடுக்கப்பட்டுள்ளது.
MT-15 V2 டீலக்ஸ் மற்றும் R15M மாடல்களிலும் யமஹாவின் லிக்விட் கூல்டு, 4 ஸ்டிரோக், SOHC, 4 வால்வுகள் கொண்ட 155சிசி ஃபியூவல் இன்ஜெக்ட் செய்யப்பட்ட என்ஜின் சிஸ்டம் வழங்கப்பட்டு உள்ளது.
இதனோடு, 6 ஸ்பீடு கியர்பாக்ஸ், அசிஸ்ட் மற்றும் ஸ்லிப்பர் கிளட்ச் வழங்கப்பட்டு இருக்கிறது.
விலை விபரங்கள்
இந்தியாவில், யமஹா FZS மாடல்களின் விலை ரூ. 1.27 லட்சம், FZ-X விலை ரூ. 1.37 லட்சம் மற்றும் புதிய MT-15 விலை ரூ. 1.68 லட்சம். இறுதியாக, R15M விலை ரூ. 1.94 லட்சத்தில் கிடைக்கும்.