எலெக்ட்ரிக் ஸ்கூட்டரை வாங்கும் முன் நீங்கள் தெரிந்து கொள்ள வேண்டியவை!
செய்தி முன்னோட்டம்
கடந்த சில ஆண்டுகளாகவே இந்தியாவில் எலெக்ட்ரிக் ஸ்கூட்டர்களை வாங்குபவர்களின் எண்ணிக்கை கொஞ்சம் கொஞ்சமாக அதிகரித்து வருகிறது. நீங்களும் ஒரு புதிய எலெக்ட்ரிக் ஸ்கூட்டர் வாங்கலாம் என்ற எண்ணத்தில் இருக்கிறீர்களா? அப்படியென்றால் இவற்றையெல்லாம் தெரிந்து கொள்வது நல்லது.
பராமரிப்பது எளிது:
எலெக்ட்ரிக் வாகனங்கள் குறைந்த அளவு பாகங்களைக் கொண்டே தயாரிக்கப்படுகின்றன. எனவே, பெட்ரோல் வாகனங்களைப் போல இல்லாமல் எலெக்ட்ரிக் வாகனங்களைப் பராமரிப்பது மிகவும் எளிது. பராமரிப்புச் செலவும் குறைவு.
மாற்றிக் கொள்ளும் பேட்டரி:
நிலையான பேட்டரி கொண்ட எலெக்ட்ரிக் வாகனங்களை மட்டும் தான் வாங்க வேண்டும் என்ற அவசியம் இல்லை. மாற்றிக் கொள்ளும் பேட்டரிக்களை உடைய ஸ்கூட்டர்களையும் பரிசீலனை செய்யலாம். நீண்ட தூரப் பயணங்களுக்கு மாற்றிக் கொள்ளும் வகையிலான பேட்டரிக்கள் வரம்.
எலெக்ட்ரிக் ஸ்கூட்டர்
ஃபாஸ்ட் சார்ஜிங் வசதி:
சாதாரணமாக ஒரு எலெக்ட்ரிக் ஸ்கூட்டரின் பேட்டரியைச் சார்ஜ் செய்ய 5-6 மணி நேரம் வரை ஆகும். ஆனால், ஃபாஸ்ட் சார்ஜிங் வசதியைக் கொண்ட ஸ்கூட்டர்களை வாங்கினால் தேவைப்படும் போது குறைவான நேரத்திலேயே சார்ஜ் செய்து கொள்ள முடியும்.
பயன்பாட்டுச் செலவு குறைவு:
ஒரு எலெக்ட்ரிக் ஸ்கூட்டரானது வாங்கும்போது விலையுயர்ந்ததாக இருந்து விட்டாலும், அதனைப் பயன்படுத்தும் செலவு பெட்ரோல் வாகனத்தை விட மிகவும் குறைவு. எலெக்ட்ரிக் ஸ்கூட்டரில் இருக்கும் ஒரே ஒரு பின்னடைவு, அது சார்ஜ் ஆக எடுத்துக் கொள்ளும் நேரம் தான்.
பயன்பாட்டு அனுபவம்:
எலெக்ட்ரிக் ஸ்கூட்டரில் பெட்ரோல் ஸ்கூட்டரை விட மேம்பட்ட சாஃப்ட்வேர் மற்றும் டச்ஸ்கிரீன் கொடுக்கப்பட்டிருக்கும். இதனால் இதன் பயன்பாட்டு அனுபவம் சிறப்பாக இருக்கும்.