இவா சோலார் எலெக்ட்ரிக் காரின் சிறப்புகள் என்னென்ன? வருடத்திற்கு 3கிமீ செல்லும்;
இந்தியாவில், பூனேவை சேர்ந்த வேவ் மொபிலிட்டி நிறுவனம் இந்தியாவின் முதல் சூரியசக்தி எலெக்ட்ரிக் காரை உற்பத்தி செய்ய இருப்பதாக அறிவித்து இருக்கிறது. இந்த சூரியசக்தி எலெக்ட்ரிக் கார் இவா எனும் பெயரில் விற்பனைக்கு வர இருக்கிறது. இந்த காரின் வினியோகம் அடுத்த ஆண்டு துவங்குகிறது. மேலும், வேவ் இவா சூரியசக்தி எலெக்ட்ரிக் கார் மாடலில் பெரியவர்கள் இருவரும், சிறுவர் ஒருவரும் பயணம் செய்ய முடியும். எனவே, இவா மாடல் ரூஃப் மீது சோலார் பேனல்களை கொண்ட இந்தியாவின் முதல் எலெக்ட்ரிக் கார் ஆகும். தொடர்ந்து, இதில் உள்ள 150 வாட் பேனல்கள் ஒவ்வொரு நாளும் 10 முதல் 12 கிலோமீட்டர் ரேன்ஜ் வழங்கும் திறன் கொண்டுள்ளது. ஆண்டுக்கு 3 ஆயிரம் கிலோமீட்டர்கள் செல்லும்.
சோலார் எலெக்ட்ரிக் இவா காரின் சிறப்புகள் என்னென்ன?
இந்த காரை முழு சார்ஜ் செய்தால் 250 கிலோமீட்டர் வரை செல்லும் திறன் உடையதாம். வீட்டில் நான்கு மணி நேரத்தில் முழுமையாக சார்ஜ் செய்து விட முடியும். வேவ் இவோ மாடல் 30 சதவீத டிரைவிங் ரேன்ஜ்-ஐ சூரியசக்தி மூலமாகவே வழங்கிவிடும். வேவ் மாடலில் 6 கிலோவாட் எலெக்ட்ரிக் மோட்டார் அதிகபட்சம் 12 கிலோவாட் அல்லது 16 ஹெச்பி பவர், 40 நியூட்டன் மீட்டர் டார்க் இழுவிசையை வெளிப்படுத்துகிறது. இத்தோடு, 14 கிலோவாட் ஹவர் பேட்டரி பேக் வழங்கப்பட்டு இருக்கிறது. இந்த கார் மணிக்கு 40 கிலோமீட்டர் வேகத்தை 5 நொடிகளில் எட்டிவிடும். மேலும் மணிக்கு அதிகபட்சம் 70 கிலோமீட்டர் வேகத்தில் செல்லும் திறன் கொண்டுள்ளது.
