NZvsSL இரண்டாவது டெஸ்ட் : நியூசிலாந்து வீரர் ஹென்றி நிக்கோல்ஸ் முதல் இரட்டை சதமடித்தார்
நியூசிலாந்து வீரர் ஹென்றி நிக்கோல்ஸ், இலங்கைக்கு எதிரான இரண்டாவது மற்றும் கடைசி டெஸ்ட் போட்டியில் தனது முதல் இரட்டை சதத்தை விளாசினார். அவர் 240பந்துகளில் இரட்டை சதத்தை எட்டினார். இதற்கிடையில், இது ஒட்டுமொத்தமாக அவரது ஒன்பதாவது டெஸ்ட் சதம் மற்றும் இலங்கை அணிக்கு எதிராக இரண்டாவது சதமாகும். தனது 54வது டெஸ்டில் விளையாடி வரும் நிக்கோல்ஸ் தற்போது 2,950 ரன்களை 37க்கும் அதிகமான சராசரியுடன் கடந்துள்ளார். இதில் ஒன்பது சதங்கள் மற்றும் 12 அரைசதங்களையும் எடுத்துள்ளார். இதற்கிடையில், நிக்கோல்ஸ் டெஸ்ட் சதங்களின் அடிப்படையில் முன்னாள் நியூசிலாந்து கேப்டன் ஸ்டீபன் பிளெமிங்கை சமன் செய்துள்ளார். நியூசிலாந்து வீரர்களில் கேன் வில்லியம்சன் (28) மற்றும் டாம் லாதம் (13) மட்டுமே அதிக டெஸ்ட் சதங்களை பெற்றுள்ளனர்.
