ஆசிய விளையாட்டு 2026: 85 பதக்கங்களுடன் 4-வது இடத்தைப் பிடித்து இந்தியா சாதனை

எழுதியவர் Vasuki

Oct 04, 2026

03:20 pm

செய்தி முன்னோட்டம்

ஜப்பானில் நடைபெற்ற 2026 ஆசிய விளையாட்டுப் போட்டியில் கிரிக்கெட், ஹாக்கி அணிகள் தங்கத்தைத் தக்கவைக்க, குங்குமம் மோஹோத் மற்றும் பிரணவி அர்ஸ் படைத்த வரலாற்று சாதனைகளால் இந்தியா 21 தங்கம் உட்பட 85 பதக்கங்களுடன் 4-வது இடத்தைப் பிடித்துள்ளது. ஜப்பானின் ஐச்சி-நகோயாவில் நடைபெற்று வரும் 20-வது ஆசிய விளையாட்டுப் போட்டியில், கடைசி இரு நாட்களில் 11 தங்கப் பதக்கங்களின் பலத்தால் இந்திய அணி 85 பதக்கங்களுடன் நிறைவு செய்துள்ளது. முந்தைய 2022 ஹாங்சோ ஆசிய விளையாட்டில் 106 பதக்கங்களை இந்தியா இந்த முறை எட்ட முடியாவிட்டாலும், 21 தங்கம், 27 வெள்ளி மற்றும் 37 வெண்கலம் என மொத்தம் 85 பதக்கங்களைக் குவித்து பதக்கப் பட்டியலில் கௌரவமான 4-வது இடத்தைத் தக்கவைத்துக் கொண்டுள்ளது.

வில்வித்தை

கோல்ஃபில் புதிய சரித்திரம்

ஆசிய விளையாட்டுப் போட்டியின் மகாராஷ்டிராவைச் சேர்ந்த 17 வயது வில்வித்தை வீராங்கனை மோஹோத் மற்றும் 23 வயது கோல்ஃப் வீராங்கனை பிரணவி பெற்ற தங்கங்கள் வரலாறாக மாறின.

மகளிர் தனிநபர் ரிகர்வ் வில்வித்தையில் தென் கொரியாவின் ஓ யேஜினை 6-5 என்ற கணக்கில் வீழ்த்தி தங்கம் வென்ற முதல் இந்திய வீராங்கனையான மோஹோத், அறிமுக விளையாட்டிலேயே 2 தங்கம், ஒரு வெள்ளியுடன் ஒலிம்பிக் தகுதியையும் உறுதி செய்தார்.

இறுதிச் சுற்றில் பிரணவி, மகளிர் தனிநபர் கோல்ஃப் பிரிவில் தங்கம் வென்ற முதல் இந்தியர் என்ற சாதனையுடன், அதிதி, தீக்‌ஷா ஆகியோருடன் இணைந்து இந்திய மகளிர் கோல்ஃப் அணிக்கு வெள்ளிப் பதக்கத்தையும் தேடித்தந்தார். வில்வித்தையில் இந்தியா 5 தங்கம் உள்பட 9 பதக்கங்களை அள்ளியது.

கிரிக்கெட் மற்றும் ஹாக்கி

மல்யுத்தத்தில் தங்கம்

ஆடவர் கிரிக்கெட்டில் ஷ்ரேயாஸ் தலைமையிலான இந்திய அணி அபிஷேக் 61 மற்றும் திலக் வர்மாவின் 51 ரன்கள் அதிரடியால் பாகிஸ்தானை 19 ரன்கள் வித்தியாசத்தில் வீழ்த்தி தங்கப் பதக்கத்தை வென்றது.

ஆடவர் ஹாக்கியில் 5-1 என்ற கணக்கில் மலேசியாவை வீழ்த்தித் தங்கம் வென்று ஒலிம்பிக் போட்டிக்கும் நேரடியாகத் தகுதி பெற்றது.

மகளிர் ஹாக்கி அணியும் சீனாவை வீழ்த்தித் தங்கம் வென்றிருந்ததால், ஒரே ஆசிய விளையாட்டில் இரு ஹாக்கி அணிகளும் தங்கம் வென்றன.

மல்யுத்தக் களத்தில் அமன் செஹ்ராவத் ஆடவர் 57 கிலோ பிரிவில் உலக சாம்பியனான வடகொரிய வீரரை 10-7 என வீழ்த்தி தங்கம் வென்றார்.

மல்யுத்தத்தில் இந்தியா 2 தங்கம், 2 வெள்ளி, 2 வெண்கலம் என 6 பதக்கங்களை வென்றது.