ப்ளூ டிக்கை மறைத்துக் கொள்ளும் வசதியை பயனர்களுக்கு அளித்திருக்கும் X
கடந்த ஆண்டு ட்விட்டர் நிறுவனத்தை வாங்கிய பிறகு, அத்தளத்தில் இலவசமாக அளிக்கப்பட்டு வந்த ப்ளூ டிக்கை கட்டண சேவையுடன் இணைத்து வழங்கத் தொடங்கினார் எலான் மஸ்க். எலான் மஸ்க்கால் X எனப் பெயர் மாற்றம் செய்யப்பட்ட ட்விட்டர் சமூக வலைத்தளத்தில், முன்னர் முக்கிய நபர்கள், சினிமா மற்றும் அரசியல் பிரபலங்களுக்கு நம்பகத்தன்மைக்காக இலவசமாக அளிக்கப்பட்ட ப்ளூ டிக் வசதியை வணிக நோக்கத்துடன் பயன்படுத்தத் தொடங்கினார் அவர். தற்போது மாதம் குறிப்பிட்ட அளவு சந்தா செய்யும் யாரும் ப்ளூ டிக்கை பெற்றுக் கொள்ளும் நிலையில், பலர் அதனை கேலி செய்யவும் துவங்கினர். இதனைத் தொடர்ந்து, சந்தா செய்தவர்கள் ப்ளூ டிக்கை மறைத்துக் கொள்ளும் வசதியைக் பயனர்களுக்குக் வழங்கத் தொடங்கியிருக்கிறது X.