பட்ஜெட் மொபைல்களுக்கான புதிய சிப்செட்டை அறிமுகப்படுத்தும் குவால்காம்
செய்தி முன்னோட்டம்
பட்ஜெட் ஸ்மார்ட்போன்களுக்கான 'ஸ்னாப்டிராகன் 4 ஜென் 2' என்ற புதிய சிப்செட்டை வெளியிடவிருப்பதாக அறிவித்திருக்கிறது குவால்காம் நிறுவனம். மேலும், 4 சீரிஸின் முதல் 4nm சிப்பாக, இந்த சிப்செட் இருக்கும் எனவும் தெரிவிக்கப்பட்டிருக்கிறது.
ரூ.10,000 முதல் ரூ.20,000 வரையிலான விலை கொண்ட ஸ்மார்ட்போன்களில் பயன்படுத்தும் வகையில் தயாரிக்கப்படவிருக்கும் இந்த சிப்செட்டானது, 4nm நோடை அடிப்படையாகக் கொண்டு உருவாக்கப்படவிருக்கிறது.
கார்டெக்ஸ் A78 மற்றும் கார்டெக்ஸ் A55 ஆகிய இரண்டு பெர்ஃபாமன்ஸ் கோர்களை உள்ளடக்கி உருவாக்கப்படும் இந்த சிப்செட்டானது, இதற்கு முந்தைய வெளியீடான 'ஸ்னாப்டிராகன் 4 ஜென் 1' சிப்செட்டை விட 10% சிறந்த பேட்டரி பெர்ஃபாமன்ஸைக் கொண்டிருக்கும் எனத் தெரிவிக்கப்பட்டுள்ளது.
ஸ்மார்ட்போன்
புதிய சிப்செட்டின் பிற அம்சங்கள்:
இந்த சிப்செட்டில் 108MP கேமராவையோ அல்லது இரண்டு 16MP டூயல் கேமராவையோ பயன்படுத்திக் கொள்ள முடியும். மேலும், எலெக்ட்ரானிக் இமேஜ் ஸ்டெபிலைசேஷனை உள்ளடக்கிய 720p ஸ்லோ மோஷன் வீடியோக்களையும், 1080p வீடியோக்களையும் எடுக்கும் திறனைக் கொண்டிருக்கும்.
மேலும், இந்த சிப்செட்டானது க்விக் சார்ஜ் 4+ சார்ஜிங் வசதி மற்றும் யுஎஸ்பி 3.2 ஜென் 1 ஸ்டோரேஜ் வசதி ஆகியவற்றைக் கொண்டிருக்கும் எனவும் தெரிவிக்கப்பட்டுள்ளது.
இந்த ஆண்டு ஆகஸ்ட் மாதத்திற்குப் பிறகு வெளியாகவிருக்கும், சீன ஸ்மார்ட்போன் தயாரிப்பு நிறுவனங்களான ரெட்மீ மற்றும் விவோ நிறுவனங்களின் ஸ்மார்ட்போன்களில் மேற்கூறிய இந்த முதலில் பயன்படுத்தப்படவிருப்பதாகத் தகவல் வெளியாகியிருக்கிறது.