கூகுளில் வேலை இழந்த இந்தியர்களின் நிலை என்ன? H1B விசாவால் ஏற்பட்ட பாதிப்பு;
சமீபத்தில் கூகுள் தாய் நிறுவனமான ஆல்பபெட் 12 ஆயிரம் ஊழியர்களை பணி நீக்கம் செய்யப்போவதாக அறிவித்து இருந்தது. இந்த அறிவிப்பை அந்நிறுவன தலைமை நிர்வாக அதிகாரியான சுந்தர் பிச்சை அறிக்கையாக வெளியிட்டு இருந்தார். இந்த அறிவிப்பால் பல இந்திய ஊழியர்களும் பாதிக்கப்பட்டுள்ளனர். இந்நிலையில், பணியை இழந்த இந்தியர்கள் கையில் இருக்கும் H-1B விசா என்ன ஆகும் என்பது குறித்து அதிர்ச்சி தகவல் வெளியாகி இருக்கிறது. H-1B விசா என்பது, ஐக்கிய அமெரிக்க நாடுகளுக்குள் நுழைவதற்கு தற்காலிகமாக ஊழியர்களுக்கு வழங்கப்படும் ஒரு வகை விசா ஆகும். எனவே, வேலை வழங்கும் அமெரிக்க நிறுவனம் பிற நாட்டு ஊழியர்களுக்காக இந்த விசாவிற்கு விண்ணப்பம் செய்யும்.
கூகுள் ஆல்பபெட் நிறுவனத்தில் வேலை இழந்த இந்தியர்களுக்கு புதிய சிக்கல்
இந்த விசா அதிகபட்சமாக 3 ஆண்டுகள் வரையும், அதன் பிறகு தேவைப்பட்டால் 2 அல்லது 3 ஆண்டுகள் மேலும் நீடிக்க முடியும். இந்நிலையில், கூகுளில் வேலை இழந்த இந்திய ஒருவர், லிங்க்டி இன் பக்கத்தில் சற்று முன்பு தனக்கு தான் வேலை நீக்கம் செய்யப்பட்டதாக மெயில் வந்ததாகவும், இதனால் எனது H-1B விசா இன்னும் 60 நாட்களில் காலாவதி ஆகிவிடும். எனவே,60 நாட்களுக்குள் நான் வேலை தேடவில்லை என்றால் என்னுடைய விசா காலாவதி ஆகிவிடும் என்று அவர் தெரிவித்துள்ளார். இவர் மட்டுமின்றி பல இந்தியர்கள் விசா நேரம் முடிவடைந்துவிடும் எனவும், வேலை கிடைக்க கண்ணீர்விட்டு வருகிறார்கள். 60 நாட்களுக்கு பிறகு அவர்கள் இந்தியா திரும்புவதை தவிர வேறு வழி இல்லை என்பதும் குறிப்பிடத்தக்கது.
