ஆயுள் காப்பீடு மருத்துவ காப்பீடு - இரண்டிற்கும் உள்ள வேறுபாடுகள் என்ன?
செய்தி முன்னோட்டம்
காப்பீடு திட்டங்களில் பலரும் அதன் வேறுபாடுகளை தெரிந்து வைத்துக்கொள்வதில்லை. எனவே ஆயுள் காப்பீடு மற்றும் மருத்துவ காப்பீட்டுக்கு உள்ள வேறுபாட்டை காண்போம். ஆயுள் காப்பீடு ஆயுள் காப்பீடு என்பது பாலிசி எடுப்பவர் இறக்கும்போது அவர்களின் குடும்பத்திற்கு இந்த இழப்பீடு பணம் செல்லும். இந்த காப்பீடு எடுப்பவர்கள் வீட்டில் சம்பாதிப்பவராக இருப்பது பள்ள பலனளிக்கும். அவர் இல்லாத பட்சத்தில் குடும்பத்தையே இந்த பாலிசி காப்பாற்றும். அடுத்து, இளம் வயதில் காப்பீடு எடுப்பது பிரீமியம் குறைவாக இருக்கும். 1 கோடிக்கு எடுக்கும்போது தோராயமாக அவர் மாதம் 835 ரூபாய் தான் செலுத்த வேண்டி இருக்கும். பிரீமியத்தில் 1.5 லட்சம் வரை 80C பிரிவின் கீழ் வரிச்சலுகையும் உண்டு.
காப்பீடு திட்டங்கள்
ஆயுள் காப்பீடு மற்றும் மருத்துவ காப்பீட்டிற்கும் உள்ள வேறுபாடுகளை காண்போம்
மருத்துவ காப்பீடு மருத்துவ காப்பீடு என்பது பாலிசி எடுப்பவர்களுக்கு உடல் நலன் பாதிக்கப்பட்டால் சிகிச்சைக்காக எடுத்துக்கொள்ளும் பாலிசி ஆகும். இந்த காப்பீட்டை குடும்பத்தில் உள்ள அனைவருக்கும் எடுக்க வேண்டும். ஏனென்றால் எப்போது யார் பாதிக்கப்பட்டாலும் இதனை பயன்படுத்திக்கொள்ள முடியும். உதாரணமாக குடும்பத்தில் 3 பேர் என்றால் 5 லட்சம் காப்பீடு எடுக்கலாம். இல்லையென்றால் தனியாக 2 லட்ச ரூபாய்க்கு பாலிசி எடுக்கலாம். மேலும், பரம்பரை நோய் உள்ளவர்கள் எடுப்பது சிறந்தது. இந்த காப்பீட்டையும் இளம் வயதில் எடுப்பது சிறந்தது. பாலிசி கட்டும் பிரீமியத்தில் 25 ஆயிரம் முதல் 30 ஆயிரம் வரை 80டி கீழ் வரிச் செலுகை செலுத்துபவர்களுக்கு கிடைக்கும்.