ஜி20 மாநாடு - டெல்லி சென்றடைந்தார் தமிழக முதல்வர் மு.க.ஸ்டாலின்
செய்தி முன்னோட்டம்
ஜி20 மாநாடு இந்தாண்டு இந்தியா தலைமையில் நடக்கும் நிலையில், இதன் 18வது உச்சி மாநாடு இன்றும், நாளையும் டெல்லியிலுள்ள பிரகதி மைதானத்தில் அமைந்துள்ள பாரத் மண்டபத்தில் நடக்கிறது.
இதனையொட்டி இந்தியா வந்துள்ள உலக தலைவர்களுக்கும், நாட்டின் முக்கிய தலைவர்கள், மத்திய அமைச்சர்கள், மாநில முதல்வர்கள் என அனைவருக்கும் இந்திய ஜனாதிபதி திரெளபதி முர்மு தலைமையில் இன்று(செப்.,9) இரவு விருந்துக்கு ஏற்பாடு செய்யப்பட்டுள்ளது.
இதன்படி, இந்திய ஜனாதிபதியின் அழைப்பினை ஏற்று தமிழக முதல்வர் மு.க.ஸ்டாலின் இன்று இந்த விருந்தில் கலந்து கொள்வதற்காக டெல்லி சென்றுள்ளார்.
டெல்லி விமான நிலையத்திற்கு சென்றடைந்த முதல்வரை டி.ஆர்.பாலு பூங்கொத்து கொடுத்து வரவேற்றார் என்று செய்திகள் வெளியாகியுள்ளது.
ட்விட்டர் அஞ்சல்
டெல்லியில் முதல்வர் மு.க.ஸ்டாலின்
#NewsUpdate | டெல்லியில் நடைபெறும் G-20 உச்சி மாநாட்டை ஒட்டி, குடியரசுத் தலைவர் அளிக்கும் விருந்தில் கலந்து கொள்வதற்காக சென்ற முதலமைச்சர் மு.க.ஸ்டாலினை விமான நிலையத்தில் வரவேற்றார் டி.ஆர்.பாலு!#SunNews | #Delhi | #G20India2023 pic.twitter.com/SGoqzwsSCv
— Sun News (@sunnewstamil) September 9, 2023