இந்த வாரம் ஓடிடியில் வெளியாகும் படங்கள் என்னென்ன?!
செய்தி முன்னோட்டம்
இந்த வாரம் வெள்ளித்திரைக்கு படங்கள் எதுவும் வெளிவராத நிலையில், ஓடிடி தளத்தில் வெளியாகவிருக்கும் படங்கள் என்னென்ன எனப்பார்ப்போமா?
பகாசுரன்: இயக்குனர் செல்வராகவன் நடிப்பில், மோகன் ஜி எழுதி இயக்கியுள்ளார். தனது முந்தைய படங்களில் சர்ச்சையான கருத்துக்களை பதிவு செய்து கவனத்தை ஈர்த்த இயக்குனர் மோகன், இந்த படத்தில் ஆன்லைன் விபச்சாரம் மற்றும் பெண்கள் சுரண்டப்படும் பல வழிகளை பற்றி பேசினார். இதில், செல்வராகவன் உடன் இணைந்து 'நட்டி' நட்ராஜ் முக்கிய வேடத்தில் நடித்திருந்தார்.
சென்ற பிப்ரவரி 17, 2023 அன்று, இந்தத் திரைப்படம் வெளியிடப்பட்டு, அமோக வரவேற்பை பெற்றது. இந்த படத்தின் வெற்றி விழாவும் சமீபத்தில் நடைபெற்றது.
இதை தொடர்ந்து, இந்த படம், இன்று மார்ச் 24, பிரைம் வீடியோவில் ஸ்ட்ரீமிங் செய்யப்படுகிறது.
ஓடிடி
அகிலன், அயோத்தி திரைப்படங்கள்
இந்த மாத துவக்கத்தில், வெளியான அயோத்தி மற்றும் அகிலன் திரைப்படங்கள், பரவலான வரவேற்பைப் பெற்றது.
ஜெயம் ரவி நடிப்பில், கடல் வணிகம் தொடர்பாக எடுக்கப்பட்ட இந்த திரைப்படத்தில், ஜெயம் ரவியின் நடிப்பு பலராலும் பாராட்டப்பட்டது.
இந்த படத்தில், பிரியா பவானிஷங்கர் மற்றும் தான்யா ரவிச்சந்திரன் ஆகியோரும் நடித்திருந்தனர்.
'அயோத்தி' படத்திற்கு பெரிதாக விளம்பரம் செய்யவில்லை. காரணம், அதன் பட்ஜெட் தட்டுப்பாடு. எனினும், படத்திற்கு நல்ல விமர்சனம் கிடைத்தது.
இந்த இரு படங்களும், இம்மாத இறுதியில், மார்ச் 31 அன்று ஜீ 5 தளத்தில் வெளியாகிறது.
இவற்றோடு, ஷாருக்கான் நடிப்பில் வெளியாகி வெற்றி அடைந்த 'பதான்' திரைப்படமும் இந்த வாரம் பிரைம் வீடியோவில் வெளிவந்துள்ளது.