சிவகார்த்திகேயன் பர்த்டே ஸ்பெஷல்: அனிருத் குரலில் வெளியானது மாவீரன் படத்தின் முதல் பாடல்
சிவகார்த்திகேயனின் பிறந்த நாளான இன்று(பிப்.,17), அவர் நடித்து வரும், மாவீரன் படத்தின், முதல் பாடல் தற்போது வெளியாகியுள்ளது. அனிருத்தின் குரலில், கபிலன் மற்றும் லோகேஷ் வரிகளில், பரத் சங்கர் இசையமைத்துள்ளார். பாடலுக்கு ஷோபி மாஸ்டர் நடனம் அமைத்துள்ளார். ஏற்கனவே, இந்த பாடலின் கிலிம்ப்ஸ் வீடியோவை இரு தினங்களுக்கு முன்பு படக்குழு வெளியிட்டு இருந்தனர். 500க்கும் மேற்பட்ட கலைஞர்களுடன் பிரமாண்டமாக எடுக்கப்பட்ட இந்த பாடலுக்காக மோகோபோட் கேமராவைப் பயன்படுத்தியுள்ளனர் எனவும் செய்திகள் தெரிவிக்கின்றன. மாவீரன் படத்தின், படப்பிடிப்பு கிட்டத்தட்ட முடிவடைந்து உள்ளது என ஊடக செய்திகள் தெரிவிக்கின்றன. இந்த படத்தை ஏப்ரல் மாதத்திற்குள் வெளியிடுவார்கள் என்றும் எதிர்பார்க்கப்படுகிறது. 'மாவீரன்' தமிழ்-தெலுங்கு இரு மொழிகளில் உருவாகும் படத்தில், அதிதி ஷங்கர் நடிக்கிறார் என்பது குறிப்பிடத்தக்கது.
