"என் உயிரை நான் சந்தித்தபோது": கேப்டன் விஜயகாந்தை சந்தித்த இயக்குனர் S.A. சந்திரசேகர்
செய்தி முன்னோட்டம்
கோலிவுட் சினிமாவிற்கு, 'சட்டம் ஒரு இருட்டறை' என்ற வெற்றி படத்தின் மூலம் அறிமுகமானவர் இயக்குனர் S.A.சந்திரசேகர். இப்படத்தின் நாயகன் 'கேப்டன்' விஜயகாந்த்.
1981-ஆம் ஆண்டு வெளியான இப்படத்திற்கு பிறகு, 'சாட்சி', 'சட்டம் ஒரு விளையாட்டு', 'வெற்றி' போன்ற பல வெற்றி படங்களில் இருவரும் இணைந்து பணியாற்றியுள்ளனர்.
நடிகர் விஜய்யின் திரைவரலாற்றில் திருப்பு முனையாக அமைந்த 'செந்தூர பாண்டி' படத்திலும், நட்புக்காக விஜயகாந்த் நடித்தார்.
நீண்ட இடைவேளைக்கு பிறகு, S.A சந்திரசேகர் இயக்கியுள்ள படம், 'நான் கடவுள் இல்லை', பிப்ரவரி 3-ஆம் தேதி வெளியாகவுள்ளது.
இந்நிலையில், இயக்குனர் SAC, நடிகரான கேப்டன் விஜயகாந்தை நேரில் சந்தித்துள்ளார். இது குறித்து "என் உயிரை சந்தித்த போது" என்று குறிப்பிட்டு, தனது சமூக வலைத்தளத்தில் புகைப்படங்களை பதிவேற்றியுள்ளார்.
ட்விட்டர் அஞ்சல்
கேப்டன் விஜயகாந்தை சந்தித்த இயக்குனர் SAC
என் உயிரை நான் சந்தித்த போது 😀@iVijayakant pic.twitter.com/KZ1bP0yyp0
— S A Chandrasekhar (@Dir_SAC) January 31, 2023