ஹிப்ஹாப் ஆதிக்கு முத்தமிட்டுப் பாராட்டிய இசையமைப்பாளர் தேவா
செய்தி முன்னோட்டம்
ஹிப்ஹாப் தமிழா ஆதி இயக்கி, கானா பாடகராக முதன்மை கதாபாத்திரத்தில் நடித்து திரையரங்குகளில் வெற்றிகரமாக ஓடிக்கொண்டிருக்கும் திரைப்படம் 'மீசைய முறுக்கு 2'. கானா கலைஞர்களின் வாழ்க்கை முறை, அவர்கள் அன்றாடம் எதிர்கொள்ளும் புறக்கணிப்புகள் மற்றும் அவர்களின் மனவலிகளை மையமாகக் கொண்டு இத்திரைப்படம் உருவாக்கப்பட்டுள்ளது. தமிழ் திரையுலகில் கானா பாடல்களுக்குத் தனி அடையாளத்தையும் மாபெரும் அங்கீகாரத்தையும் பெற்றுத் தந்த மூத்த இசையமைப்பாளர் தேவா, இப்படத்தைப் பார்த்துவிட்டு ஆதியை நேரில் கட்டிப்பிடித்து நெகிழ்ச்சியுடன் முத்தமிட்டுப் பாராட்டியுள்ளார்.
சிறப்புக் காட்சி
ஆதியின் உருக்கமான நன்றிப் பதிவு
ஹிப்ஹாப் ஆதி தனது 'மீசைய முறுக்கு 2' திரைப்படத்தை நிஜ வாழ்க்கை கானா கலைஞர்களுக்காகப் பிரத்யேகமாகத் திரையிட்டுக் காட்டினார்.
தங்கள் போராட்டங்களையும் புறக்கணிப்புகளையும் திரையில் கண்ட கலைஞர்கள், தங்களின் குரலாகவும் வலியாகவும் படம் அமைந்துள்ளதாகக் கூறி கண்கலங்கிப் பாராட்டினர்.
இதனிடையே, கானா இசையின் முன்னோடியான தேவா தன்னை முத்தமிட்டு வாழ்த்திய படங்களை ஆதி பகிர்ந்துள்ளார்.
இது போதும் எனக்கு இது போதுமே எனக் குறிப்பிட்டு, இந்த அங்கீகாரம் வாழ்நாளின் மிகச் சிறந்த பரிசு என அவர் நெகிழ்ந்துள்ளார். இந்த நெகிழ்ச்சியான புகைப்படங்கள் இணையத்தில் வைரலாகி வருகின்றன.
Embed
ஹிப்ஹாப் ஆதியின் நெகிழ்ச்சி பதிவு
"இது போதும் எனக்கு - இது போதுமே !" - தேவா ஐயாவிற்கு நன்றி 🙏🏻 கரையிலிருந்து கானாவை திரைக்கு எடுத்து சென்ற ஹீரோ - #meesayamurukku2 படத்தை பார்த்து பாராட்டியது தான் இந்த படத்திற்கு கிடைக்ககூடிய மிகப்பெரும் அங்கீகாரம் ! pic.twitter.com/Jlq818cC2d— Hiphop Tamizha (@hiphoptamizha) September 29, 2026