'காவாலா' பாடலுக்கு vibe செய்யும் சிம்ரன்
சூப்பர்ஸ்டார் ரஜினிகாந்த் நடிப்பில் உருவாகி வரும் திரைப்படம் 'ஜெயிலர்'. நெல்சன் இயக்கத்தில், அனிருத்தின் இசையில் உருவாகி வரும் இந்த படத்திற்கு சூப்பர்ஸ்டாரின் ரசிகர்கள் பலத்த எதிர்பார்ப்புடன் இருக்கின்றனர். அதற்கு காரணம், இப்படத்தில் ரம்யா கிருஷ்ணன் நடிக்கிறார். 'படையப்பா' படத்திற்கு பிறகு இவர்கள் இருவரும் நடிக்கும் படம் இது. இத்திரைப்படத்தின் முதல் பாடல், 'காவாலா' சென்ற வாரத்தில் வெளியானது. வெளியான சில நிமிடங்களிலேயே பல லட்சம் வியுஸ்கள் பெற்றது இப்பாடல். அதுமட்டுமின்றி, பாடலில் இடம்பெற்ற ஒரு ஹூக் ஸ்டெப்பை, தமன்னா மீண்டும் ஆடி பதிவேற்ற, அதுவும் வைரலானது. தற்போது AI தொழில்நுட்பத்தின் உதவியுடன், இப்பாடலுக்கு நடிகை சிம்ரன் ஆடியிருந்தால் எப்படி இருக்கும் என கற்பனை செய்து ஒருவர் ட்வீட் செய்ய, அதுவும் வைரலாகி வருகிறது.