என்.டி.ஆர். நூற்றாண்டு விழா - சிறப்பு விருந்தினராக ரஜினிகாந்த் பங்கேற்பு!
செய்தி முன்னோட்டம்
கோலிவுட் சூப்பர் ஸ்டார் நடிகரான ரஜினிகாந்த் என்.டி.ஆரின் நூற்றாண்டு விழாவில் சிறப்பு விருந்தினராக பங்கேற்க உள்ளார்.
தெலுங்கு சினிமாவின் மறைந்த மூத்த நடிகர் மற்றும் ஆந்திரா முன்னாள் முதலமைச்சரான என்.டி.ஆரின் 100வது பிறந்த நாள் மே 28 ஆம் தேதி வர உள்ளது.
இந்த பிறந்த நாள் கொண்டாட்டத்தில் நடிகர் ரஜினிகாந்தும் சிறப்பு விருந்தினராக பங்கேற்க உள்ளார்.
என்.டி.ராமராவ் முதலமைச்சராக இருந்த போது கருணாநிதி மற்றும் எம்.ஜி.ஆர் ஆகியோருக்கும் நெருங்கிய நண்பராக இருந்தவர்.
300க்கும் மேற்பட்ட படங்களில் நடித்துள்ள என்.டி.ஆர். மூன்று முறை தேசிய விருதுகளையும் பெற்றவர்.
என்.டி.ஆர் நூற்றாண்டு விழா
என்.டி.ராமராவ் 100வது பிறந்த நாளில் உருவம் பொறித்த 100 ரூபாய் நாணயம் வெளியீடு
மேலும், தயாரிப்பாளர் மற்றும் இயக்குனர் என புகழ் பெற்று விளங்கினார். இவரது சேவைக்கு பத்மஸ்ரீ விருதும் வழங்கப்பட்டது.
இந்நிலையில், என்.டி.ஆரின் 100-வது பிறந்த நாள் விழாவைப் பிரமாண்டமாகக் கொண்டாட திட்டமிட்டுள்ளனர்.
இதற்கான ஏற்பாடுகளை அவரது மகன் நடிகர் பால கிருஷ்ணா செய்து வருகிறார்.
இதுகுறித்து அவர் வெளியிட்ட வீடியோவிலும், நடிகர் ரஜினிகாந்த் மற்றும், ஆந்திர முன்னாள் முதலமைச்சர் சந்திரபாபு நாயுடு சிறப்பு விருந்தினர்களாக பங்கேற்பார்கள் என தெரிவித்துள்ளார்.
இதுமட்டுமின்றி நூற்றாண்டு விழாவில் என்.டி.ஆர்-யை போற்றும் வகையில் அவரது உருவம் பொறித்த 100 ரூபாய் நாணயம் வெளியிடப்படும் என மத்திய அரசு அறிவித்துள்ளது.