சத்தமின்றி நடைபெற்ற நடிகர் காளிதாஸ் ஜெயராமின் நிச்சயதார்த்தம்
நடிகர் ஜெயராமின் மகன், நடிகர் காளிதாஸ். இவர் தமிழ், மலையாளம் படங்களில் நடித்துள்ளார். சமீபத்தில் 'விக்ரம்' திரைப்படத்தில், கமல்ஹாசனின் மகன் கதாபாத்திரத்தில் நடித்திருந்தார். அதுமட்டுமின்றி, நவராசா, நட்சத்திரம் நகர்கிறது போன்ற படங்களில் நடித்து பெயர் பெற்றார். இவர் தாரிணி காலிங்கராயர் என்ற மாடல் அழகியை காதலித்து வந்தார். கடந்த பிப்ரவரி மாதம், காதலர் தினத்தன்று தன்னுடைய காதலை வெளியுலகிற்கு அறிவித்தார் காளிதாஸ். இந்த நிலையில், இவர்களின் நிச்சயதார்த்தம் இன்று நடைபெற்றது. சுதா கொங்கரா, பவானி ஸ்ரீ என அவருடன் பணியாற்றிய பல பிரபலங்கள் இந்த நிகழ்ச்சியில் கலந்து கொண்டனர். இந்த புகைப்படங்கள் தற்போது வைரலாகி வருகிறது. தாரிணி காலிங்கராயர், 2019-ஆம் ஆண்டு மிஸ் தமிழ்நாடு என்ற அழகி போட்டியின் டைட்டில் வின்னர் ஆவர்.