F77 பைக்கின் ஸ்பேஸ் எடிஷனை அறிமுகப்படுத்திய அல்ட்ரா வைலட் நிறுவனம்
செய்தி முன்னோட்டம்
வரும் ஆகஸ்ட் 23-ம் தேதி நிலவில் தரையிறங்கவிருக்கிறது இந்தியாவின் மூன்றாவது நிலவுத் திட்டமான சந்திரயான் 3. இந்நிலையில், இதனைக் கொண்டாடும் விதமாக, பெங்களூருவைச் சேர்ந்த அல்ட்ரா வைலட் என்ற எலெக்ட்ரிக் பைக் நிறுவனம், புதிய பைக் எடிஷன் ஒன்றை அறிமுகப்படுத்தியிருக்கிறது.
இந்தியாவில் அந்நிறுவனம் விற்பனை செய்து வரும் F77 பைக் மாடலின் ஸ்பேஸ் எடிஷனை தற்போது அறிமுகம் செய்திருக்கிறது அல்ட்ரா வைலட்.
இந்த புதிய பைக்கை ஏரோஸ்பேஸ் தர அலுமினியப் பொருட்களைக் கொண்டு உருவாக்கியிருப்பதாகத் தெரிவித்திருக்கிறது அந்நிறுவனம். மேலும், துருப்பிடித்தல், UV, மங்கும் தன்மை மற்றும் கெமிக்கல் ரெசிஸ்டன்ஸ் ஆகியவற்றைக் கொண்டிருப்பதாகவும் குறிப்பிட்டிருக்கிறது அந்நிறுவனம்.
எலெக்ட்ரிக் பைக்
அல்ட்ரா வைலட் F77, ஸ்பேஸ் எடிஷன்:
இத்துடன், பைக்கின் பாடியை உருவாக்கப் பயன்படுத்திய அதே பொருளைக் கொண்டே பைக்கின் சாவியையும் தயாரித்திருக்கிறது அல்ட்ரா வைலட் நிறுவனம்.
இந்த பைக்கானது 10.3kWh பேட்டரியுடன் அதிகபட்சமாக 307கிமீ ரேஞ்சைக் கொண்டிருக்கிறது. இதில் பயன்படுத்தப்பட்டிருக்கும் எலெக்ட்ரிக் மோட்டாரானது, 27kW பவர் மற்றும் 85Nm டார்க்கை உற்பத்தி செய்யும் திறனைக் கொண்டிருக்கிறது.
இந்தியாவில் இந்த ஸ்பேஸ் எடிஷன் மாடலை, ரூ.5.60 லட்சம் எக்ஸ்-ஷோரூம் விலையில் வெளியிட்டிருக்கிறது அல்ட்ரா வைலட்.
மேலும், 10 பைக்குகளை மட்டுமே இந்த ஸ்பெஷல் எடிஷனின் கீழ் தயாரித்திருப்பதாகத் தெரிவித்திருக்கும் அந்நிறுவனம், நாளை (ஆகஸ்ட் 22) மாலை 6 மணிக்கு இதன் முன்பதிவானது தங்களது அதிகாரப்பூர்வ வலைத்தளப் பக்கத்தில் தொடங்குவதாக அறிவித்திருக்கிறது.