மாற்று அறுவை சிகிச்சைக்காக, சிறுநீரகங்களை, லம்போர்கினி மூலம் எடுத்து சென்ற இத்தாலி போலீசார்
நூற்றுக்கணக்கான கிலோமீட்டர் தொலைவில் உள்ள மாற்று அறுவை சிகிச்சை நோயாளிகளுக்கு, இரண்டு சிறுநீரகங்களை, மாற்றியமைக்கப்பட்ட லம்போர்கினி சூப்பர் காரைப் பயன்படுத்தி கொண்டு சென்றுள்ளனர், இத்தாலிய போலீசார். இத்தாலியின் வடகிழக்கில் உள்ள படுவாவிலிருந்து, மொடெனா வரை சென்று, பின்னர் ரோம் மருத்துவமனையை அடைந்தது. உறுப்புகளை கொண்டு செல்வதற்காக, அதிவேக ஹுராகன் சூப்பர் காருக்கு, போக்குவரத்து நெரிசல் இல்லாத, தனிப்பாதை கொடுக்கப்பட்டது. "மிக அழகான கிறிஸ்துமஸ் பரிசை வழங்க நெடுஞ்சாலையில் பயணம் செய்கிறேன் - வாழ்க்கை," என ஹுராகனின் சமூக வலை பக்கம், ஒரு படத்தை வெளியிட்டு, இந்த செய்தியை உறுதி படுத்தியுள்ளது. அதில், வாகனத்தின் முன் இந்த வாசகம் கொண்ட ஒரு பதாகை கட்டப்பட்டு, ஒரு மருத்துவ குளிர் பெட்டியும், காணப்பட்டது.
லம்போர்கினி மூலம் கொண்டு செல்லப்பட்ட சிறுநீரகம்
உறுப்புகளை தானமாக பெற்ற மருத்துவமனை, "மாநில காவல்துறையின் சிறப்பு கிறிஸ்துமஸ் தந்தைக்கு நன்றி, இரண்டு பேருக்கு சிறுநீரகம் பரிசாக கிடைத்துள்ளது." என்று குறிப்பிட்டதாக செய்திகள் தெரிவிக்கின்றன. இந்த லம்போர்கினி ஹுராகன், 300km/h வேகத்தில் செல்லும் எனவும், 0-100kmh வேகத்தை 3.2 வினாடிகளில் செல்லும் திறன் கொண்டது எனவும், வல்லுநர்கள் தெரிவிக்கின்றனர். 2017ல் இந்த சொகுசு கார், லம்போர்கினி ஹுராகன் தயாரிப்பாளரால், போலீஸாருக்கு பரிசாக வழங்கப்பட்டது. இது வடக்கு இத்தாலியில், நெடுஞ்சாலை ரோந்து பணிக்கு நியமிக்கப்பட்டது. அதோடு, மற்ற போலீஸ் நடவடிக்கைகளுக்கும், இது போன்ற மருத்துவ அவசர தேவைகளுக்கும் பயன்படுத்தப்படுகிறது. மற்றொரு ஹுராகன், ரோமில், நெடுஞ்சாலை ரோந்து பணிக்கு இயக்கப்படுகிறது. லம்போர்கினியின் மற்றொரு தயாரிப்பான கல்லார்டோவும் , 2019ல், இத்தாலி காவல்துறையால் பயன்படுத்தப்பட்டது.
