மேம்படுத்தப்பட்ட மெசேஜிங் சேவைக்காக புதிய வடிவமைப்பு விருப்பங்களை அறிமுகப்படுத்தியுள்ளது வாட்ஸப்
செய்தி முன்னோட்டம்
பிரபல மெசேஜிங் தளமான வாட்ஸ்அப், தனது பயனர்களுக்காக மேம்படுத்தபட்ட நான்கு புதிய உரை வடிவமைப்பு அம்சங்களை அறிமுகப்படுத்தியுள்ளது.
இப்போது iOS, Android , Web மற்றும் Mac இயங்குதளங்களில் இந்த புதிய வசதி கிடைக்கிறது. இந்த புதிய அறிமுகங்களில், மேற்கோள்காட்டப்பட்ட தகவல்கள்(block quotes), புல்லட் மற்றும் எண்ணிடப்பட்ட லிஸ்ட் மற்றும் இன்லைன் குறியீடு ஆகியவை அடங்கும்.
பயனர்கள் ஏற்கனவே அனுபவிக்கக்கூடிய போல்ட், ஸ்ட்ரைக்த்ரூ, இட்டாலிக்ஸ் மற்றும் மோனோஸ்பேஸ் வடிவங்களின் விருப்பங்களுடன் இந்த வசதிகள் கூடுதலாக கிடைக்கிறது.
இந்த வடிவமைப்பு விருப்பங்கள், பெரிய உரைப் பகுதிகளை மேலும் படிக்கக்கூடியதாக மாற்றுவதன் மூலம் பயனர்கள் மிகவும் திறம்பட தொடர்புகொள்வதற்கு உதவுவதை நோக்கமாகக் கொண்டுள்ளது.
வழிகள்
புதிய வடிவமைப்பு அம்சங்களை எவ்வாறு பயன்படுத்துவது?
புல்லட் செய்யப்பட்ட பட்டியலை உருவாக்க, "-" சின்னத்துடன் ஒரு ஸ்பேஸ் விட்டு மெசேஜை டைப் செய்யவும்.
எண்ணிடப்பட்ட பட்டியல்களுக்கு, ஒரு எண், தொடர்ந்து ஒரு புள்ளி, அதனைத்தொடர்ந்து ஒரு ஸ்பேஸ்(எ.கா., "1. ").
Block quotes உருவாக்க, விரும்பிய மெஸேஜிற்கு முன் ">" சின்னத்தையும் ஒரு ஸ்பேஸையும் விடவும்.
இறுதியாக, இன்லைன் குறியீடு பெறுவதற்கு, மெசேஜை "`" குறியீட்டுடன் தொடங்கவும் (எ.கா. `இது போன்றது.').
புல்லட் பட்டியல் மூலம், ஷாப்பிங் பட்டியல்கள் அல்லது படிப்படியான வழிமுறைகளை, பயனர்கள் எளிதாக உருவாக்கலாம்.
பிளாக் மேற்கோள்கள், நீண்ட செய்திகளில் முக்கியமான தகவலை வலியுறுத்துவதற்கு ஏற்றது. அதேபோல பயனர்களுக்கு, குறிப்பாக கோடர்களுக்கு இந்த இன்லைன் குறியீடு, மெசேஜிற்கு நடுவே குறிப்பிட்ட விவரங்களை முன்னிலைப்படுத்த உதவுகிறது.