எலன் மஸ்க்கின் உத்தரவின் பேரில் தற்கொலை தடுப்பு அம்சத்தை ட்விட்டர் நீக்குகிறதா?
டிவிட்டர் சமீபத்தில் ஒரு சர்ச்சையில் சிக்கியுள்ளது. இதில் வழங்கி வரும் முக்கியமான ஒரு அம்சத்தை அகற்றியது பிரச்சனையாக மாறி உள்ளது. ட்விட்டர் பயனர்களுக்கு, தற்கொலை தடுப்பு ஹாட்லைன்கள் மற்றும் பிற பாதுகாப்பு பக்கங்கள், பரிந்துரையாக காட்டப்பட்டு வந்தது. உலகெங்கும் அதிகரித்து வரும் தற்கொலைகளும், தீவிரவாத நடவடிக்கையும் தடுக்கும் பொருட்டு, நல்லெண்ண அடிப்படையில் இந்த சம்சம் செயல்பட்டு கொண்டிருந்தது. இப்போது, புதிதாக அந்த கம்பெனியின் CEO ஆக பொறுப்பேற்ற, எலன் மஸ்க், நிறைய மாற்றங்களை கொண்டு வந்தார். சிலது வரவேற்பை பெற்றாலும், பல மாற்றங்கள் விமர்சனத்தையே பெற்றது. #thereishelp என்று பெயரிடப்பட்ட அந்த தற்கொலை தடுப்பு பக்கம், சில குறிப்பிட்ட தேடுதலின் போது, மேற்கொடிட்டு காட்டப்படும் வகையில் இருந்தது.
ட்விட்டரில் மாற்றங்கள்
உலகம் முழுவதும் உள்ள மனநலம், HIV , தடுப்பு மருந்துகள், சிறார்களுக்கு எதிரான பாலியல் அத்துமீறல் என சம்மந்தப்பட்ட தன்னார்வ நிறுவனங்களின் தேடல்களில் இந்த தற்கொலை தடுப்பு பக்கத்திற்கான பரிந்துரையாக இருந்தது. இப்போது அது நிறுத்தப்பட்டுள்ளது. இதற்கான காரணம் இன்னும் அதிகாரபூர்வமாக வெளியிடப்படவில்லை. இதனை சமூக ஆர்வலர்கள் கண்டித்துள்ளனர். ட்விட்டர் தென்கிழக்கு ஆசியா சுதந்திர வெளிப்பாட்டு வலையமைப்பின் நிர்வாக இயக்குனர், டமர் ஜூனியார்டோ, ட்விட்டரின் "முட்டாள்தனமான செயல்கள்", தனது நிறுவனத்தை கைவிட வேண்டியிருக்கும் என்று கூறினார். ஒரு வேளை, இந்த அம்சத்தை புதுப்பிக்கும் பணியில் ஈடுபட்டு இருந்தால், அதை நீக்காமல், புதுப்பித்த பக்கத்தை பதிவேற்றிய பின்னர், நீக்கி இருக்கலாம் என வல்லுநர்கள் தெரிவிக்கின்றனர்.
