வேஸ் மற்றும் கூகுள் மேப்பை ஒன்றிணைக்கத் திட்டமிட்டிருக்கும் கூகுள்
செய்தி முன்னோட்டம்
கூகுள் நிறுவனமானது, தங்களுக்கு கீழ் செயல்படும் மேப்பிங் செயலிான வேஸ்-ல் (Waze) குறிப்பிட்ட பிரிவில் பணியாற்றும் பணியாளர்களைப் பணிநீக்கம் செய்யவிருப்பதாக தகவல் வெளியாகியிருக்கிறது.
வேஸ் செயலியின் விளம்பரப் பிரிவை, கூகுள் ஆட்ஸூடன் இணைக்கத் திட்டமிட்டிருக்கிறது கூகுள். இதன் காரணமாக, வேஸ் செயலியின் விளம்பரப் பிரிவில் பணியாற்றி வரும் ஊழியர்களை பணிநீக்கம் செய்யத் திட்டமிட்டிருக்கிறது கூகுள்.
எனினும், எத்தனை ஊழியர்களை அந்நிறுவனம் பணிநீக்கம் செய்யவிருக்கிறது என்பது குறித்த தகவல்கள் வெளியிடப்படவில்லை.
இந்த வேஸ் செயலியை 2013-ம் ஆண்டு 1.3 பில்லியன் அமெரிக்க டாலர்களுக்கு வாங்கியது கூகுள்.
கூகுள்
கூகுளின் திட்டம் என்ன?
வேஸ் செயலியில் பணிபுரிந்து வரும் குழுவையும், கூகுள் மேப்ஸ் குழுவையும் ஒன்றினைக்கவிருப்பதாக கடந்த டிசம்பர் மாதமே தெரிவித்திருந்தது கூகுள் நிறுவனம்.
இரு குழுக்களையும் ஒன்றினைப்பது மட்டுமல்லாமல், கூகுள் மேப்ஸின் ஒரு பகுதியாக வேஸின் சேவைகளை வழங்கவும் திட்டமிட்டிருக்கிறது கூகுள் நிறுவனம்.
வேஸ் செயலியில் விளம்பரம் செய்து வரும் விளம்பரதாரர்களுக்கும், நீண்ட கால அடிப்படையில் சிறந்த சேவை அனுபவத்தை வழங்க வேண்டும் என்பதற்காகவே இந்த முடிவு எடுக்கப்பட்டிருப்பதாவும் தெரிவித்திருக்கிறது, கூகுள்.
கூகுள் மேப்பைப் போல, தங்களுடைய தொழில்நுட்பத்தை மட்டுமே சார்ந்திருக்காமல், பயனாளர்களின் உதவியுடன் தகவல்களை வழங்கி வரும் செயலியாக வேஸ் செயல்பட்டு வருவது குறிப்பிடத்தக்கது.